ކުޅިވަރުތަކަށް ހާއްސަކޮށްގެން ފޭދޫގައި ގާއިމު ކުރާ ސްޕޯޓްސް އެރީނާ މަޝްހޫރުއުގެ ދަށުން ހަދާ އިންޑޯ ކޮމްޕްލެކްސްގެ ބިންގާ މިއަދު އަޅަން ނިންމައިފި އެވެ.
ފޭދޫ ފުޓްސަލް ދަނޑު ކައިރީގައި އޮންނަ ޕާކްގެ ދެކުނު ފަރާތު ހިއްކި ބިމުގައި ހަދާ އިންޑޯ ކޮމްޕްލެކްސްގެ ބިންގާ އެޅުމުގެ ރަސްމިއްޔާތު ބާއްވަން ހަމަޖެހިފައި ވަނީ މިއަދު ހަވީރު 4:30 ގަ އެވެ.
މި ރަސްމިއްޔާތުގައި ޔޫތު މިނިސްޓަރު އިރުތިޝާމް އާދަމް ބައިވެރިވެވަޑައިގަންނަވާނެ އެވެ.
ގިނަ ބަޔަކު ބުނާ ގޮތުގައި މިފަދަ ކަންކަން ސަރުކާރުން ކުއްލިއަކަށް މިހާރު ކުރަމުން އަންނަނީ ހޮނިހިރު ދުވަހު ބާއްވާ ލޯކަލް ކައުންސިލް އިންތިހާބަށް ވޯޓް ހޯދުމުގެ ގޮތުން ރައްޔިތުންގެ ލޮލުގައި އަނދުން އެޅުވުމުގެ ބޭނުމުގަ އެވެ.
އަދި މިއީ އެ އިންތިހާބާ ދިމާކޮށް ތަރައްގީގެ ނަމުގައި "ކަނޑަ ޖެހުން" ކަމަށް ގިނަ ބަޔަކު އަންނަނީ ސިފަ ކުރަމުންނެވެ.