ސަލްމާންގެ ހާންގެ ކުރިއަށް އޮތް ފިލްމް "ޓިއުބްލައިޓް" ގެ ފުރަތަމަ ޓީޒާ މިރޭ ދައްކައިލާނެކަން އިއުލާން ކުރި ހިސާބުން ފެށިގެން ވެސް އެތައް ބަޔަކު ތިބީ ކެތްތެރިކަން ކުޑަވެފަ އެވެ. އެކަމަކު އިންތިޒާރީ އަށް މިހާރު ވަނޖީ ނިމުމެއް އައިސްފަ އެވެ.
"ޓިއުބްލައިޓް" ގެ ޓީޒާ މިހާރު ވަނީ ދައްކާލައިފަ އެވެ. ޓީޒާ ރިލީޒް ކުރިތާ ކުޑަ އިރުކޮޅެއްގެ ތެރޭގައ އެއަށް ވަނީ ހަތަރު ލައްކަ އަށް ވުރެ ގިނަ ވިއުސް ލިބިފަ އެވެ.
ކަބީރު ހާން ޑައިރެކްޓްކޮށްފައިވާ މި ފިލްމުގެ ސަލްމާނާ އެކި އޭނާގެ ކޮއްކޮ ސޮހައިލް ހާން ވެސް މުހިއްމު ރޯލަކުން ފެނިގެން ދާނެ އެވެ.
އިންޑިއާ އާއި ޗައިނާއާ ދެމެދު ހިނގާ ހަނގުރާމައްގެ ތެރޭގައި ހިނގާ ކަންތައްތަކެއް ދައްކުވައިދޭ ފިލްމުގެ ބަތަލާއަކީ ޗައިނާގެ ބަތަލާ ޒޫ ޒޫ އެވެ.
"ޓިއުބްލައިޓް" ސިނަމާތަކަށް އަންނާނީ ކުރިއަށް އޮތް ފިތުރު އީދު ދުވަހުގަ އެވެ.
މި ފިލްމަކީ 2015 ގައި ރިލީޒް ކުރި "ބަޖިރަންގީ ބައިޖާން" އަށް ފަހު ސަލްމާނާއި ކަބީރު އެކުގައި މަސައްކަތް ކުރި ފުރަތަމަ ފިލްމެވެ.