ތާރު އަޅައިގެން ރަނގަޅު ފެންވަރަކަށް ހަދަން ނިންމާފައިވާ އައްޑޫގެ އަވަށްތަކުގެ އިތުރު މަގުތައް ހަދަން ސްރީ ލަންކާގެ ކުންފުންޏަކާ ހަވާލުކުރަން ސަރުކާރުން ނިންމައިފި އެވެ.
ހައުސިން މިނިސްޓަރު ޑރ. މުހައްމަދު މުއިއްޒު ކުރެއްވި ޓްވީޓެއްގައި ވިދާޅުވީ އައްޑޫ ސިޓީގެ ހުރިހާ ރަށެއްގެ މަގު ހެދުމުގެ މަޝްރޫޢު ކުރިއަށް ގެންދަން ސިއެރާ ކޮންސްޓްރަކްޝަނާ ހަވާލުކުރަން ސަރުކާރުން ނިންމާފައިވާ ކަމަށެވެ.
AdduCity ge hurihaa rashegge magu hedhumuge mashroou kuriyah gendhiyumah SierraConstruction aa havaalukurumah sarukaarun iyye vanee nimmaafa
— Dr.Mohamed Muizzu (@MMuizzu) May 5, 2017
މީގެ ކުރިން ވެސް ރާއްޖޭގެ ވަރަށް ގިނަ މަޝްރޫޢުތައް ހިންގާފައިވާ ސިއެރާ ކުންފުންޏާ ވަނީ ހުޅުމީދޫގެ ނަރުދަމާގެ މަސައްކަތް ވެސް ހަވާލުކޮށްފަ އެވެ.
މީގެ ކުރިން ވެސް ލަންކާގެ ކުންފުންޏަކުން އައްޑޫގެ ތިން އަވަށެއްގެ ބޮޑު މަގު ވަނީ ހިލޭ ހަދައި ދީފަ އެވެ.
އެއީ މަރަދު އާއި މަރަދޫފެދޫގެ އިތުރުން ފޭދޫގެ ބޮޑު މަގެވެ.