ދިރާގުން ސެމްސަންގްގެ އެންމެ ފަހުގެ ފްލެގްޝިޕް ސްމާޓްފޯން ސީރީޒް، ސެމްސަންގް ގެލެކްސީ އެސް8 އަދި ގެލެކްސީ އެސް8 ޕްލަސް ވިއްކަން ފަށައިފި އެވެ.
އެ ކުންފުނިން ބުނީ ފޯމްތަކަށް ޕްރި އޯޑަ ދިން މީހުންނަށް ފޯނު ދޫކުރަމުން އަންނަނީ އެއްކޮށް ފައިސާ ދެއްކި މީހުންނާއި އިންސްޓޯލްމަންޓަށް ފޯނު ގަންނަން ފައިސާ ދެއްކި ކަސްޓަމަރުންނަށް ކަމަށެވެ.
ދިރާގުން ސެމްސަންގް ގެލެކްސީ އެސް8 ފޯނު ވިއްކާނީ 13،499ރ. އަށެވެ. އަދި އެސް8 ޕްލަސް ފޯނު ވިއްކާނީ 15،499ރ. އަށެވެ.
ރާއްޖޭގެ އެންމެ ބޮޑު މުވާސަލަތީ ކުންފުނިން ބުނީ އެ ކުންފުނި މެދުވެރިކޮށް ފޯނު ގަންނަ މީހުންނަށް ހަ މަސް ދުވަހު ހިލޭ ޑޭޓާ ލިބޭނެ ކަމަށެވެ.
މީގެ އިތުރުން ކަސްޓަމަރުންނަށް ލުއިކޮށްދިނުމުގެ ގޮތުން އިންސްޓޯލްމެންޓަށް ފައިސާ ދައްކާ ގޮތަށް ފޯނު ގަތުމުގެ ފުރުސަތު ޕޯސްޓްޕެއިޑް ކަސްޓަމަރުންނަށް ވެސް ދިރާގުން ވަނީ ފަހިކޮށް ދީފަ އެވެ.
ސެމްސަންގް ގެލެކްސީ އެސް8 ދެ ކުލައެއްގެ ފޯނު ލިބެން ހުރެ އެވެ. އެއީ މިޑްނައިޓް ބްލެކް އަދި މޭޕަލްގޯލްޑް އެވެ.
ސެމްސަންގް ގެލެކްސީ އެސް8 ޕްލަސް ލިބެން ހުންނަނީ މިޑްނައިޓް ބްލެކް އާއި މޭޕްލް ގޯލްޑް އަދި ކޮރަލް ބްލޫ އިން އެވެ.