މިކުރިއަށް އޮތް ރޯދަ މަހާ ދިމާކޮށް ގައުމީ އެއާލައިން، މޯލްޑިވިއަނުން އެތެރޭގެ އުދުހުންތަކުގެ އަގު 40 ޕަސަންޓަށް ހެޔޮކޮށްފި އެވެ.
މޯލްޑިވިއަން އޮޕަރޭޓް ކުރާ އައިލެންޑް އޭވިއޭޝަން ސާވިސަސް (އައިއޭއެސް) އިން ބުނީ ޕްރޮމޯޝަން ކުރިއަށް ދާނީ ރޯދަ މަހުގެ ފުރަތަމަ ދުވަހުން ފެށިގެން ޖޫން މަހުގެ 20 ގެ ނިޔަލަށް ކަމަށެވެ.
މި ޕްރޮމޯޝަންގެ ދަށުން ދަތުރު ކުރަން ބޭނުންވާ ނަމަ މިމަހުގެ 10 ވަނަ ދުވަހުން ފެށިގެން 20 ވަނަ ދުވަހުގެ ކުރިން ޓިކެޓް ނަގަން ޖެހެ އެވެ.
އެތެރޭގެ އުދުހުންތަކަށް 40 ޕަސެންޓު ޑިސްކައުންޓު ލިބޭނީ ދިވެހިންނަށާއި ވޯކް ޕާމިޓް އޮންނަ މީހުންނަށް އެކަންޏެވެ.
ޕްރޮމޯޝަނުގައި ޓިކެޓް ވިއްކާ އަގުތައް:
- މާލެ-ގަން ދެކޮޅު ޓިކެޓް: 1،666ރ.
- މާލެ-ތިމަރަފުށި ދެކޮޅު ޓިކެޓް: 1،555ރ.
- މާލެ-ކައްދޫ ދެކޮޅު ޓިކެޓް: 1،555ރ.
- މާލެ- ކޫއްޑޫ ދެކޮޅު ޓިކެޓް: 1،599ރ.
- މާލެ-ކާޑެއްދޫ ދެކޮޅު ޓިކެޓް: 1،599ރ.
- މާލެ-ފުވައްމުލައް ދެކޮޅު ޓިކެޓް: 1،666ރ.
- މާލެ-ހަނިމާދޫ ދެކޮޅު ޓިކެޓް: 1،555ރ.
- މާލެ-އިފުރު ދެކޮޅު ޓިކެޓް: 1،444ރ.
- މާލެ-ދަރަވަންދޫ ދެކޮޅު ޓިކެޓް: 1،111ރ.
މޯލްޑިވިއަނުން ވަނީ އުދުހުންތަކުގެ ފްރިކްއެންސީ އިތުރު ކުރުމުގެ ގޮތުން މި އަހަރުގެ ތެރޭގައި އިތުރު ދެ ބޯޓް އެ ކުންފުނީގެ ފްލީޓަށް އިތުރު ކުރަން ވެސް ނިންމައިފަ އެވެ.