މިދިޔަ ހޮނިހިރު ދުވަހު ބޭއްވި ލޯކަލް ކައުންސިލްތަކުގެ އިންތިހާބުގައި ކައުންސިލްތަކަށް ހޮވުނު ކައުންސިލަރުން ހުވާ ކުރުން އަންނަ މަހުގެ ތިން ވަނަ ދުވަހު ބާއްވާނެ ކަމަށް ލޯކަލް ގަވަރަމަންޓް އޮތޯރިޓީން (އެލްޖީއޭ) އިން ބުނެފި އެވެ.
އެލްޖީއޭ އިން ބުނީ ޤާނޫނު ބުނާ ގޮތުން ކައުންސިލަރުން ހުވާ ކުރަން ޖެހެނީ ފަނޑިޔާރެއްގެ ކުރިފުޅުމަތީގައި ކަމަށް ވިޔަސް ރާއްޖޭގެ ހުރިހާ ރަށެއްގައި ފަނޑިޔާރުން ނުތިއްބަވާތީ ފަނޑިޔާރުން ތިއްބެވި ރަށްރަށުގައި އެއް ވަގުތެއްގައި ހުވާ ކުރުމުގެ އިންތިޒާމް ހަމަޖައްސަވާނެ ކަމަށެވެ.
އަދި ފަނޑިޔާރުން ނުތިއްބަވާ ރަށްރަށަށް ފަނޑިޔާރުން ފޮނުއްވުމަށާއި، ހުވާކުރުމަށްޓަކައި ފަނޑިޔާރުންގެ ކަންކަން އިންތިޒާމް ކުރުމަށް ސުޕްރީމް ކޯޓާއެކު މަޝްވަރާ ކުރަމުން އަންނަ ކަމަށް ވެސް އެލްޖީއޭ އިން ބުންޏެވެ.
އެލްޖީއޭ އިން ބުނީ ފަނޑިޔާރުން ތިއްބެވި ރަށްތައް ފާހަގަކޮށް، ފަނޑިޔާރުން ނެތް ރަށްރަށަށް ފަނޑިޔާރުން ފޮނުވައި ހުވާ ކުރާނެ ގަޑިތައް ވަރަށް އިޢުލާން ކުރާނެ ކަމަށެވެ.
އަލަށް އިންތިޚހުބުވި ކައުންސިލްތަކުން ކޮންމެ ކައުންސިލަރަކުން ވެސް ތަރައްޤީގެ ފަސް އަހަރު ދުވަހުގެ ޕްލޭނެއް އެކުލަވާލައްވާ އެލީޖީއޭއަށް ފޮނުއްވަން ޖެހެއެވެ.
މި ފަހަރު ކައުންސިލްތަކަށް 664 ކައުންސިލަރުން އިންތިހާބުކޮށްފައިވެ އެވެ.
އޭގެ ތެރޭގައި ސިޓީ ކައުންސިލްތަކާއި އަތޮޅު ކައުންސިލްތަކާއި ރަށު ކައުންސިލްތަކަށް ކައުންސިލަރުން އިންތިހާބުކޮށްފައިވެ އެވެ.