އަކްޝޭ ކުމާރުގެ ކުރިއަށް ހުރި ފިލްމުތަކުގެ ތެރެއިން އެންމެ ފާހަގަކޮށްލެވޭ އެއް ފިލްމަކީ އިޖުތިމާއި މައްސަލައެއްގެ މައްޗަށް ބިނާކޮށް ހަދާ "ޓޮއިލެޓް: އެކް ޕްރެމް ޙަތާ" އެވެ.
މި ފިލްމް ބިނާކޮށްފައި ވަނީ އިންޑިއާއަކީ ތާހިރު ގައުމަކަށް ހަދަން ކުރިއަށް ގެންދާ ކެމްޕޭން "ސްވަޗް ބާރަތު އަބިޔާން" ގެ ދަށުން އެ ގައުމުގެ ހުރިހާ ރައްޔިތުންނަށް ފާހާނާ ކުރުމުގެ ރައްކާތެރި ނިޒާމެއް ގާއިމުކޮށް ދޭން އިންޑިއާގެ މިހާރުގެ ބޮޑު ވަޒީރު ނަރެންދްރަ މޯދީ އެކުލަވާލައްވާފައިވާ ސިޔާސަތުގެ މައްޗަށެވެ.
މިއީ ހާއްސަކޮށް އިންޑިއާގެ ފަގީރު އަވަށްތަކުގައި ފާހާނާތައް ހަދަން ރާވާފައިވ ސިޔާސަތެކެވެ.
"ޓޮއިލެޓް: އެކް ޕްރެމް ޙަތާ" އާ ބެހޭ މައުލޫމާތު އަކްޝޭ ވަނީ މޯދީއާ ބައްދަލުކޮށް ދީފަ އެވެ.
އެކަމާ ބެހޭ ގޮތުން އޭނާ ކުރި ޓްވީޓެއްގައި ބުނީ ފިލްމުގެ ނަން އަޑު އިވިފައި ބޮޑު ވަޒީރުގެ މޫނުފުޅަށް ހިނިތުވުންވުމެއް ވެރިވި ކަމަށެވެ.
Met PM @narendramodi and got the opportunity to tell him about my upcoming 'Toilet-Ek Prem Katha.' His smile at just the title made my day! pic.twitter.com/qbvYrlbM2Y
— Akshay Kumar (@akshaykumar) May 9, 2017
އިޖުތިމާއި މައްސަލަގަނޑެއްގެ ތެރެއިން ލީބޫގެ ހާދިސާތަކެއް ވެސް ކިޔައިދޭ "ޓޮއިލެޓް: އެކް ޕްރެމް ޙަތާ" ގެ ޑައިރެކްޓަރަކީ ޝްރީ ނަރަޔާން ސިންގް އެވެ.
މި އަހަރު ނެޝަނަލް އެވޯޑް ހޯދި އަކްޝޭއާ އެކު ބޫނީ ޕެޑްނޭކަރާއި ސަނާ ހާން ފެނިގެންދާ މި ފިލްމް ސިނަމާތަކަށް އަންނާނީ އަންނަ މަހުގެ 2 ގަ އެވެ.
"ޓޮއިލެޓް: އެކް ޕްރެމް ޙަތާ" ގެ އިތުރުން އިޖުތިމާއި އެހެން މައްސަލައަކަށް ހަދާ ފިލްމެއް ވެސް އަކްޝޭ މިހާރު އަންނަނީ ކުޅެމުމްނެވެ.
އެއީ އިންޑިއާގެ ފަގީރު އަންހެނުންނަށް ހާއްސަކޮށްގެން އަގު ހެޔޮ ޕެޑް އުފެއްދި މީހާގެ މައްޗަށް ހަދާ "ޕެޑްމޭން" އެވެ.