ޔާޝްރާޖް ފިލްމް (ވައިއާރްއެފް) ޑްރީމް ޕްރޮޖެކްޓެއްގެ ގޮތުހައި ހަދާ ފިލްމް "ތަގްސް އޮދް ހިންދުސްތާން" ގެ ކާސްޓުންގެ ތެރޭގައި ކެޓްރީނާ ކެއިފް ވެސް ހިމެނޭކަން އެ ސްޓޫޑިއޯ އިން ކަށަވަރުކޮށް ދީފަ އެވެ.
ކެޓްރީނާ ވެސް ފެނިގެން ދިޔަ "ދޫމް 3" ގެ ޑައިރެކްޓަރު ވިޖޭ ކްރިޝްނާ އަޗަރިއާ (ވިކްޓާ) ލިޔެ، ޑައިރެކްޓް ކުރާ "ތަގްސް އޮފް ހިންދުސްތާން" އަށް ކެޓްރީނާ ހަމަޖެހިގެން ދިޔަ އިރު، އޭނާ މިހާރު ވެސް އަންނަނީ ވައިއާރްއެފްގެ ފިލްމެއް ކުޅެމުންނެވެ.
އެއީ ސަލްމާން ހާނާ އެކު ކުޅޭ، އަލީ އައްބާސް ޑައިރެކްޓް ކުރާ "ޓައިގާ ޒިންދާ ހޭ" އެވެ.
އަންނަ މަހުގެ އެއް ވަނަ ދުވަހު ޝޫޓިން ފަށާ "ތަގްސް އޮފް ހިންދުސްތާން" ގައި ކެޓްރީނާ ފެނިގެން ދާނީ އާމިރް ހާނާއި އަމީތާބް ބައްޗަން އާއި ފާތިމާ ސަނާ ޝެއިހްއާ އެކުގަ އެވެ.
Finally we have our last thug….. Katrina ! Welcome aboard Kat 🙂
— Aamir Khan (@aamir_khan) May 11, 2017
ރިޕޯޓްތައް ބުނާ ގޮތުން މި ފިލްމަކީ ކަނޑުފޭރޭ ބައެއްގެ ވާހަކަ ކިޔައިދޭ ފިލްމެކެވެ. އެހެންވެ "ތަގްސް އޮފް ހިންދުސްތާން" އަކީ އާންމުކޮށް، ބޮލީވުޑުން ނުފެންނަ ޒާތުފެ ފިލްމަކަށް ވާނެ އެވެ.
މި ފިލްމް ރިލީޒް ކުރަން ހަމަޖެހިފައި ވަނީ އަންނަ އަހަރުގެ ދިވާލީގަ އެވެ. މާނައަކީ އޮކްޓޯބަރު މަހުގެ 19 ގަ އެވެ.