ބްރެޒިލްގެ ފުޓްބޯޅަ ލެޖެންޑް ރޮނާލްޑޯ ލުއިސް ނަޒާރިއޯ ޑަލީމާ ރާއްޖޭގައި ޗުއްޓީ ހޭދަކުރަމުން އެބަދެ އެވެ.
މައުލޫމާތު ލިބިފައިވާ ރޮނާލްޑޯ އޭނާގެ ލޯބިވެރިޔާ ސެލީނާ ލޯކްސް އާއި އެކު ޗުއްޓީ ހޭދަކުރަމުން ދަނީ، ނ. އަތޮޅުގައި އޮންނަ ޗެވަލް ބްލެންކް ރަންދެލި ރިސޯޓްގައެވެ.
މީގެ 5 ވަރަކަށް ދުވަސް ކުރިން ރާއްޖެއައި ރޮނާލްޑޯ ވަނީ ރަންދެލި ރިސޯޓުގައި ހުރެ ނަގާފައިވާ ފޮޓޯއެއް އޭނާގެ އިންސްޓަރގްރާމްގައި އާންމުކޮށްފައެވެ.
ކްލަބު ލެވެލްގައި ގިނަ ކާމިޔާބީތަކެއް ހޯދި ރޮނާލްޑޯ އަކީ ބްރެޒިލް ގައުމީ ޓީމާއެކު 1994 އަދި 2002 ވަނަ އަހަރުގެ ވޯލްޑް ކަޕް ކާމިޔާބުކުރި ކުޅުންތެރިއެކެވެ.
އަނިޔާގެ މައްސަލަތަކާއި ގުޅިގެން ކެރިއަރަށް އަސަރު ކުރި ނަމަވެސް ރޮނާލްޑޯ ވަނީ ފީފާ ބެލެންޑޯ ތިން ފަހަރު ކާމިޔާބުކޮށް ޔޫރަޕްގެ ގޯލްޑަން ބޫޓް 1996 ވަނަ އަހަރުކާމިޔާބުކޮށްފަ އެވެ.