މޯލްޑިވްސް ގައުމީ ޔުނިވަސިޓީ (އެމްއެންޔޫ) ގެ ހިތަދޫ ކެމްޕަހުގައި “"ކޮފީ ވިތު އަ ލެކްޗަރާ” ގެ ނަމުގައި ހާއްސަ އިވެންޓެއް މާދަމާ ބާއްވަން ނިންމައިފި އެވެ.
މި އިވެންޓް އޮންނާނީ ހަވީރު 4:00-6:00 އަށެވެ.
ހިތަދޫ ކެމްޕަހުން ބުނީ "ކޮފީ ވިތު ލެކްޗަރާ" ގައި އަންނަ ޖުލައި މަހު ޔުނިވަސިޓީގައި ފަށާ ކޯސްތަކާ ބެހޭ މައުލޫމާތު ދިނުމާއި ކެރިއާ ގައިޑެންސާ ބެހޭ މައުލޫމާތު ދޭން ހަމަޖެހިފައިވާ ކަމަށެވެ.
މި އިވެންޓްގެ ތެރޭގައި އަލަށް ފަށާ ކޯސްތަކަށް ވަންނަން ބޭނުންވާ މީހުންނަށް އެޕްލިކޭޝަން ފޯމް ފުރިހަމަކޮށް ދިނުން ވެސް އޮންނާނެ އެވެ.
ޖުލައި މަހު ފަށަން ހަމަޖެހިފައިވާ ކޯސްތަކަށް އެޕްލައި ކުރުމުގެ ފުރުސަތު އަންނަ މަހުގެ 15 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
ހިތަދޫ ކެމްޕަހަކީ މި ވަގުތު އެކި ދާއިރާތަކުން ގިނަ އަދަދެއްގެ ދަރިވަރުން ކިޔަވަމުން އަންނަ ތަނެކެވެ.
އެގޮތުން ފުލް ޓައިމް، ޕާޓް ޓައިމް އަދި ބްލޮކް މޯޑްގައި ތަފާތު ދާއިރާތަކުން ކޯސްތައް ހިންގަ އެވެ.