މީގެ 15 އަހަރު ކުރިން ސަންޖޭ ލީލާ ބަންސާލީ ޑައިރެކްޓް ކުރި ފިލްމް "ދޭވްދާސް" އަނެއްކާ ވެސް ކާންސް ފިލްމް ފެސްޓިވަލްގައި ދައްކާލަން ނިންމައިފި އެވެ.
އެ ފިލްމުގެ އެއް ބަތަލާ އައިޝްވާރިއާ އެންމެ ފުރަތަމަ ކާންސްގައި ބައިވެރިވީ ވެސް 2002 ގައި ރިލީޒް ކުރި އެ ފިލްމާ އެކުގަ އެވެ.
އޭގެ ފަހުން ބާއްވާ ކޮންމެ ކާސްޓް ފިލްމް ފެސްޓިވަލެއްގައި އޭނާ ބައިވެރިވެ އެވެ. އައިޝްވާރިއާގެ އެ ފެސްޓިވަލްގެ ޖޫރީ މެމްބަރެއް ވެސް މެ އެވެ.
މި މަހުގެ 17 ވަނަ ދުވަހު 70 ވަނަ ކާންސް ފިލްމް ފެސްޓިިވަލް ފްރާންސްގައި ފަށާ އިރު، "ދޭވްދާސް" އާ އެކު އައިޝްވާރިއާ ފެސްޓިވަލްގައި ބައިވެރި ވާނީ މި މަހުގެ 19 އާއި 20 ގަ އެވެ.
ރިޕޯޓްތައް ބުނާ ގޮތުން "ދޭވްދާސް" މި ފަހަރު ދައްކާލާނީ ކާންސްގެ އައުޓްޑޯ ސިނަމާގަ އެވެ.
އައިޝްވާރިޔާ މިދިޔަ އަހަރު ކާންސް އަށް ދިޔައީ އޮމަންގް ކުމާރް ޑައިރެކްޓް ކުރި "ސަބްރަޖީތު" އާ އެކުގަ އެވެ.
އާންމުންގެ މެދުގައި ވަރަށް މަގުބޫލްވި އަދި އެތައް އެވޯޑެއް ހޯދާފައިވާ "ދޭވްދާސް" ގައި ލީޑް ރޯލް ކުޅެފައި ވަނީ އައިޝްވާރިއާ އާއި ޝާހްރުކް ހާންގެ އިތުރުން މަދޫރީ ޑިކްޝިޓެވެ.