ހުޅުދޫ ގޮނޑުދޮށް ހިމާޔަތްކުރުމުގެ މަސައްކަތަށް ބޭނުންވާ ބޮޑު ހިލަ ހުޅުދޫ އަށް ގެންނަން ފަށައިފިއެވެ.
މައުލޫމާތު ލިބިފައިވާ ގޮތުގައި ބޮޑު ހިލައިގެ ފުރަތަމަ ޝިޕްމެންޓް މިމަހުގެ 11 ވަނަ ދުވަހު ހުޅުދޫއަށް ވަނީ ގެނެސްފައެވެ.
މީގެ އިތުރުން ވެސް ހުޅުދޫ ގޮނޑުދޮށް ހިމާޔަތްކުރުމުގެ މަަސައްކަތަށް ބޭނުންވާ ބޮޑު ހިލައިގެ އިތުރު ޝިޕްމަންޓްތަކެއް ވަރަށް އަވަހަށް ގެންނާނެ ކަމަށް ވެއެވެ.
އާރް އާރް މޯލްޑިވްސް ޕްރައިވެޓް ލިމިޓެޑާއި ހަވާލުކޮށްގެން ކުރިއަށް ގެންދާ މި މަޝްރޫޢުގެ ދަށުން 1300 މީޓަރުގެ ސަރަހައްދެއްގައި ބޮޑު ހިލަ ޖެހުމަށް ވަނީ ހަމަޖެހިފައެވެ.
މިދިޔަ އޭޕްރީލް މަހުގެ 28 ވަނަ ދުވަހު އިފްތިތާހްކުރި ހުޅުދޫ ގޮނޑުދޮށް ހިމާޔަތްކުރުމުގެ މަޝްރޫޢު މި އަހަރުގެ ނޮވެމްބަރ މަހުގެ ނިޔަލަށް ނިންމަންޖެހޭ މި މަޝްރޫޢުގެ ޖުމްލަ އަގު 24.4 މިލިއަނަށް އަރައެވެ.