ބޭރަށް ދާއިރު އަބަދު ވެސް ބަންދު ކުރި ފެންފުޅިއެއް ހިފައިގެން ދިއުމަކީ ގިނަ މީހުންގެ އާދައެކެވެ.
ޑޮކްޓަރުންނާއި ސިއްޙީ މާހިރުން ވެސް ބުނާ ގޮތުގައި ބަންދުކުރި ފުޅިން ފެން ބުއިން ކިރިޔާ ވެސް ރަނގަޅީ ހަމައެކަނި ބޭރުގައި އުޅޭ ވަގުތުތަކުގަ އެވެ. އެއީ ފެނުގެ ޒަރިއްޔާއިން ފެތުރޭ ބަލިތަކުގެ ނުރައްކާ ބޮޑުވެފައިވާތީ އެވެ.
ފާއިތުވި 10 އަހަރު ދުވަހުގެ ތެރޭގައި ފެނުގެ ޒަރިއްޔާއިން ފެތުރޭ ބަލިތައް ވަނީ އިތުރުވެފަ އެވެ. އަދި އެ ބަލިތައް ޖެހޭ މިންވަރު ވެސް ވަނީ އިތުރުވެފައެވެ.
ވީމާ، ބަންދު ކުރި ފުޅިން ފެން ބުއިން ރަނގަޅު ނޫނީ ކީއްވެގެން ބާވަ އެވެ؟ ނިއުޓްރިޝަނިސްޓެއް ކަމަށްވާ ރުޖުތާ ދިވޭކަރް ދާދިފަހުން އޭނާގެ އިންސްޓާގްރާމްގައި ކުރި ޕޯސްޓެއްގައި ވާގޮތުން އެއް ލީޓަރުގެ ބަންދު ކުރި ފެންފުޅި އެއް އުފެއްދުމަށްޓަކައި ތިން ލީޓަރުގެ ވަޅުފެން ބޭނުންވެ އެވެ.
އެއަށް ފަހު އެ އެއް ލީޓަރުގެ ފެންފުޅި ވިއްކަނީ ވަރަށް ބޮޑު އަގެއްގައެވެ. މީގެ އިތުރުން އެ ފެންފުޅީގެ ސަބަބުން ތިމާވެއްޓަށް ގެއްލުން ލިއްބައިދޭ ޕްލާސްޓިކް ކުނި ވެސް އިތުރުވެގެން ދާކަމަށް އޭނާގެ ޕޯސްޓްގައި ވެއެވެ.
އަމިއްލަ ސިއްޙަތަށާއި ތިމާވެއްޓަށްޓަކައި، ބޭރުން ބަންދު ކުރި ފެންފުޅި ގަތުމުގެ ބަދަލުގައި ބޭރަށް ދާ އިރު އަބަދު ވެސް ގެއިން ފެންފުޅިއެއް ހިފައިގެން ނިކުންނާށެވެ.
ކުރުނބާ ފެނަކީވެސް ވަރަށް ސިއްޙަތަށް ފައިދާހުރި ފެނެކެވެ.