މި މަހުގެ ހަ ވަނަ ދުވަހު ބޭއްވި ލޯކަލް ކައުންސިލް އިންތިހާބުގެ ރަސްމީ ނަތީޖާ މިއަދު އިއުލާން ކުރާނެ ކަމަށް އިލެކްޝަންސް ކޮމިޝަނުން ބުނެފި އެވެ.
އެ ކޮމިޝަނުން ބުނީ މެންދުރު 2:15 އިން ފެށިގެން ރަސްމީ ނަތީޖާތައް އިއުލާން ކުރަން ފަށާށެ ކަމަށެވެ.
އިންތިހާބުގެ ވަގުތީ ނަތީޖާތައް އިއުލާންކޮށް ނިންމާލެވުނީ އިއްޔެގެ ވަގުތެއްގަ އެވެ.
އަދި ނަތީޖާތައް އާންމު ކުރަމުން ދިޔަ އިރު ބައެއް ނަތީޖާ ޝީޓްތަކުގައި މައްސަލަ ދިމާވެގެން 25 ދާއިރާއެއްގެ ވޯޓް ފޮށިތައް އަލުންކަނޑައި ވަނީ ވޯޓް ގުނާފައިވެ އެވެ.
އިންތިހާބާ ބެހޭ ގާނޫނުގައިވާ ގޮތުގައި އިންތިހާބު ބާއްވާތާ 14 ދުވަހުގެ ތެރޭގައި އިންތިހާބުގެ ރަސްމީ ނަތީޖާ އިއުލާން ކުރަން ޖެހެ އެވެ.
ވަގުތީ ނަތީޖާ އިއުލާން ކުރުން ލަސްވެގެން އިދިކޮޅު ފަރާތްތަކުން ދަނީ އިލެކްޝަންސް ކޮމިޝަނަށް ފާޑު ވެސް ކިޔަމުންނެވެ.
ލޯަލް ގަވަރަމަންޓް އޮތޯރިޓީ (އެލްޖީއޭ) ބުނީ ކައުންސިލަރުން ހުވާ ކުރުން އަންނަ މަހުގެ 3 ގައި ބާއްވާނެ ކަމަށެވެ.