އައްޑޫ ރޭ ހިތަދު އަށް ނަގޫރޯޅިއެއް އަރައި ގެއްލުންވި އާއިލާތަކަށް އެެހީތެރިކަން ފޯރުކޮށް ދިނުމަށް ރާއްޖެ ޓީވީން "އައްޑޫ ރިލީފް ފަންޑް" ގެ ނަމުގައި ފަންޑް ފޮއްޓެއް ހުޅުވައިފިއެވެ.
އެ ޗެނެލްގެ ބިޒްނަސް ޑިވެލޮޕްމެންޓް މެނޭޖަރު ސިމާނާ އިސްމާއިލް ވިދާޅުވީ މި ފަންޑަކީ ހިތަދު އަށް ބުދަ ދުވަހުގެ ރޭ 10.45 ހާއިރު އެރި ނަގޫރޯޅިއާ ގުޅިގެން އައްޑޫ ހިތަދޫގެ ހާލުގައި ޖެހިފައިވާ އާއިލާތަކަށް އެހީ ފޯރުކޮށް ދިނުމަށް ރާއްޖެޓީވީން ހުޅުވާލި ރިލީފް ފަންޑެއް ކަމަށެވެ.
މިއަދު ހަވީރު 5:00 ގައި ހުޅުވި މި ފަންޑް ފޮށި ހުންނާނީ ރާއްޖެ ޓީވީގަ އެވެ. މި ފޮއްޓަށް ރައްޔިތުންގެ މަޖިލީހުގެ އައްޑޫގެ ބައެއް މެމްބަރުން ވަނީ މިއަދު ފައިސާ ހަދިޔާކޮށްފަ އެވެ.
އޭގެ ތެރޭގައި ހިތަދޫ ދެކުނު ދާއިރާގެ މެމްބަރު އަލީ ނިޒާރާއި މީދޫ ދާއިރާގެ މެމްބަރު ރޮޒައިނާ އާދަމް ހިމެނިވަޑައިގަންވަ އެވެ.
ފަންޑަށް އެހީވުމަށްޓަކައި ދިވެހި ރުފިޔާ އާއި ޑޮލަރު އެކައުންޓެއް ވެސް ވަނީ ގާއިމްކޮށްފަ އެވެ.
އެގޮތުން ދިވެހި ރުފިޔާ އިން އެހީވުމަށް އެކައުންޓް ނަމްބަރު 7704700410001 އަދި ޑޮލަރުން ނަމަ 770470041002 އަށް ފައިސާ ޖަމާ ކުރެވި ދާނެ އެވެ.
ގެއްލުންވި އާއިލާތަކަށް އެހީވުމަށް އައްޑޫ ސިޓީ ކައުންސިލުން ވެސް ވަނީ ފަންޑެއް ހުޅުވައިފަ އެވެ.
ނަގޫރޯޅީގެ ސަބަބުން ހިތަދޫގެ 13 ގެއަކަށް ބޮޑެތި ގެއްލުންތައް ލިބިފައިވެ އެވެ.