ހިތަދު އަށް ރޭ އެރި ނަގޫރޯޅީގައި ލިބުން އާއިލާތަކަށް ސަރުކާރުން އެހީ ދޭން ނިންމާފައިވާ ކަމަށް ރައީސް އޮފީހުން ބުނެފި އެވެ.
ރައީސް އޮފީހުގެ ތަރުޖަމާން އިބްރާހީމް މުއާޒް އަލީ ކުރެއްވި ޓްވީޓެއްގައި ވިދާޅުވީ ގެއްލުން ލިބުނު ގެތަކަށް ސަރުކާރުން އެހީ ދޭން ނިންމާފައިވާ ކަމަށެވެ.
އެހެން ނަމަވެސް އާއިލާތަކަށް ދޭން ސަރުކާރުން ނިންމާފައި ވަނީ ކިހާވަރެއްގެ އެހީއެއް ކަމެއް އަދި ހާމައެއް ނުކުރެ އެވެ.
BRIEFING ROOM UPDATE: pic.twitter.com/B8wcFusl9R
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) May 18, 2017
ރޭގެ ހާދިސާގައި ހިތަދޫގެ 19 ގެއަކަށް އެކި ވަރުގެ ގެއްލުން ލިބިފައިވާ އިރު 13 ގެއެއްގެ ފުރާޅު ވަނީ އެއްލާލައިފަ އެވެ.
މި ގެއްލުންތައް ބެއްލެވުމަށް ރައީސް މިއަދު އައްޑު އަށް ފޮނުއްވި ޓީމް ވަނީ ގެއްލުންތައް ބަލައިފަ އެވެ. އެ ޓީމްގައި އިސްކޮށް ހުންނެވީ ޑިފެންސް މިނިސްޓަރު އާދަމް ޝަރީފެވެ.
ގެއްލުންތައް ބެލުމަށް މިހާރު ވަނީ ކޮމީޓިއެއް ވެސް އެކުލަވާލައިފަ އެވެ. އެ ކޮޓީގައި ހިމެނެނީ އެމްއެންޑީއެފް، ޕޮލިސް، އައްޑޫ ސިޓީ ކައުންސިލް، އެމްއާރްޑީސީ، ވެމްކޯ، އެސްޓީއޯ، ހައުސިން މިނިސްޓްރީ އަދި ފެނަކަ އެވެ.