ދަރިއަކު ހޯދަން ވިސްނާ ފިރިއަކު ނަމަ، ފުރަތަމަ ވިސްނާލަން ޖެހޭ އެހެން ކަމެއް އެބަ އޮތެވެ. ވިޓަމިން ޑީ އެކުލެވޭ ކާނާގެ ބާވަތްތައް ވީހާ ވެސް ގިނަ ކުރާށެވެ.
މި ވާހަކައިން އެއްގޮތަަކަށް ވެސް ހައިރާން ވާނެ ކަމެެއް ނެތެވެ. ތަޖުރިބާކާރުން ބުނަނީ އާއިލާއެއް ޕްލޭން ކުރާ ނަމަ، ފިރިހެނުން ކޮންމެހެން ވެސް ވިޓަމިން ޑީ އިތުރު ކުރަން ޖެހޭ ކަމަށެވެ.
އޭގެ ތުފުސީލަކަށް ދަމާ ހިނގާށެވެ. ވާ ގޮތަކީ ފިރިހެނުންގެ ވިޓަމިން އާއި ލިބޭ ދަރިފުޅާ އޮންނަ ގުޅުން މާ ބޮޑަށް ވެސް ގުޅެނީ އެވެ.
ފަހުގެ ދިރާސާއަކުން ދައްކާ ގޮތުގައި ދަރިފުޅުގެ ބަރުދަނާއި އިސްކޮޅު އަސްލު ނިސްބަތަށް ރުޖޫއަވަނީ ބައްޕަގެ ވިޓަމިން ޑީއާ އެވެ.
އެހެންވެ ސިއްހީ ތަޖުރިބާކާރުން ބުނަނީ ދަރިއަކު ހޯދަން އުޅޭ ނަމަ ފިރިހެނުން ގިނައިން ވިޓަމިން ޑީ އެކުލެވޭ ބާވަތްތައް ކޮންމެހެން ވެސް ކާން ބޯން ޖެހޭނެ ކަމަށެވެ.
އެ ބާވަތްތަކުގެ ތެރޭގައި އޮރެންޖް ޖޫސް، ސޯޔާ މިލްކް އަދި ސީރިއަލް ފަދަ ބާވަތްތައް ހިމެނެ އެވެ.
އަޔަލެންޑްގެ ޔުނިވަސިޓީ ކޮލެޖް ޑަބްލިން އިން ހެދި ދިރާސާއާ ބެހޭ ގޮތުން ޑރ. ސިލިއާ ވިދާޅުވީ ދަރިފުޅު އުފަންވުމާ ހަމައިން ފެށިގެން ފަސް އަހަރު ވަންދެން ދަރިފުޅުގެ އާއި ބަރުދަނާއި އިސްކޮޅު ބިނާވުމުގައި ބައްޕަގެ ފަރާތުން "ވާރުތަ ކުރާ" ވިޓަމިން ޑީގެ ދައުރު ބޮޑު ކަމަށެވެ.
ހަމަމިއާ އެކު ދިރާސާގައި ބުނީ ތުއްތު ދަރުން އިރުގެ އަލި ލިބޭ ހިސާބުތަކުގައި ކުޅެން ބޭތިއްބުން ފަދަ ކަންކަމަކީ ވެސް ކުރުން ވަރަށް މުހިއްމު ކަމެއް ކަމަށެވެ.
އޭގެ ސަބަބުން ދަރިފުޅުގެ ހަމަ ރަނގަޅު އަސަރުތަކެއް ކުރާ ކަމަށް ބުންޏެވެ.