ޑިއޯލް އާއިލާގެ ތިން ވަނަ ޖީލު ފިލްމީ ދާއިރާ އަށް ފިޔަވަޅު އަޅަން ތައްޔާރު ވަނީ އެވެ.
ދަރްމެންދްރާ އާއި ސަނީ ޑިއޯލް، ބޮބީ ޑިއޯލް އަދި އީޝާ ޑިއޯލް ފަދަ ތަރިންނަށް ފަހު، ޑިއޯލް އާއިލާ އިން މިހާރު ތައްޔާރުވަމުން އަންނަނީ ސަނީ، 59، ގެ ދޮށީ ދަރިފުޅު ކަރަން ޑިއޯލް، 26، ބޮލީވުޑަށް ލޯންޗް ކުރާށެވެ. މިއީ ދަރޭގެ ފުރަތަމަ ކާފަ ދަރިފުޅެވެ.
މި ފިލްމަކީ ސަނީ ޑައިރެކްޓް ކުރާ ލޯބީގެ އަސަރު ގަދަ ފިލްމެކެވެ. ފިލްމުގެ ނަމަކީ "ޕަލް ޕަލް ދިލް ކޭ ޕާސް" އެވެ. މި ފިލްމަށް ސަނީ ތައްޔާރުވަމުން އަންނަތާ މިހާރު ދުވަސްތަކެއްވެއްޖެ އެވެ.
Started #palpaldilkepaas .. Karan's first day at shoot.. can't get enough.. my boy has grown big #love #actor #life pic.twitter.com/yf2kyAZFr4
— Sunny Deol (@iamsunnydeol) May 22, 2017
އެގޮތުން ފިލްމުގެ މަންޒަރުތައް ނަގާނެ ލޮކޭޝަންތައް ވެސް ނިންމުމަށް ފަހު، މިހާރު ވަނީ "ޕަލް ޕަލް ދިލް ކޭ ޕާސް" ގެ ޝޫޓިން ވެސް މިއަދު ފަށައިފަ އެވެ. ޓްވިޓާގައި ސަނީ ވަނީ އެކަން އިއުލާން ވެސްކޮށްފަ އެވެ.
ބައްޕަ ސަނީގެ އިތުރުން އުފަލުން ހުރި ކަރަންގެ ބޮޑު ބޭބެ ބޮބީ ވެސް ވަނީ ޓްވިޓާގައި އުފާފާޅުކޮށްފަ އެވެ.
އޭނާ ވެސް ކުރި ޓްވީޓެއްގައި ބުނީ މިއަދަކީ ކަރަން ޝޫޓިން އަށް ނިކުތް ފުރަތަމަ ދުވަސް ކަމަށާއި ވަރަށް އުފާވެފައި ހުރި
ކަމަށެވެ.
Finally the day is here! Karan's first day at shooting #palpaldilkepaas, Overwhelmed!! Bhaiya donning the director's hat..#love #blessings pic.twitter.com/K6ZhzL56XE
— Bobby Deol (@thedeol) May 22, 2017
ސަނީ މީގެ ކުރިން ވެސް ވަނީ ފިލްމްތަކެއް ޑައިރެކްޓްކޮށްފަ އެެވެ. އޭނާ އެންމެ ފުރަތަމަ ޑައިރެކްޓް ކުރީ 1999 ގައި ރިލީޒް ކުރި "ދިއްލަގީ" އެވެ. އޭގެ ފަހުން ސަނީގެ ޑައިރެކްޝަނެއް ސިނަމާ އަށް އައީ 2015 ގަ އެވެ.
އެއީ "ގާޔަލް ވަންސް އެގެއިން" އެވެ.
ޑިއޯލް އާއިލާގެ ފިލްމް ކުންފުނި ވިޖޭތާ ފިލްމްސް އިން އުފައްދާ "ޕަލް ޕަލް ދިލް ކޭ ޕާސް" ރިލީޒް ކުރާނެ ތާރީހެއް އަދި އިއުލާނެއް ނުކުރެ އެވެ.