ހިތަދޫގެ ރެސްޓޯރަންޓްތަކުގެ ތެރެއިން ފާސްޓް ފުޑްގައި ވެސް މި ރޯދަ މަހު ހާއްސަ މެނޫތަކެއް އެބަ ހުއްޓެވެ. ހިތަދޫގައި ކެއުންތައް އެންމެ ރަނގަޅު ކަމަށް ގިނަ ބަޔަކު ބުނާ މި ރެސްޓޯރަންޓްގައި މި ރޯދަ މަހަށް ހާއްސަ ހަތަރު މެނޫއެއް ހިމެނެ އެވެ.
ހަފުތާގެ ދުވަސްތަކަށް މެނޫތައް ތަފާތ ނަމަވެސް، ތަފާނު ނުވާ އެއްޗަކީ އަގެވެ. އެހެންވެ އެތަނުގެ އެންމެ ހާއްސަ އެއް ކަމަކީ މިއެވެ.
ފާސްޓް ފުޑްގެ ހަތަރު މެނޫގައި ވެސް ބޮލަކަށް ޗާޖް ކުރާނީ 175ރ. އެވެ.
އެތަނުން ބުނީ އޯޑަރު ދޭން ބޭނުން ނަމަ ކޮންމެ ދުވަހެއްގެ މެންދުރު ފަހު 2:30 ގެ ކުރިން ގުޅަން ޖެހޭނެ ކަމަށެވެ.
ގުޅަން ޖެހޭ ނަމްބަރަކީ 9821919 އަދި 9900246 އަށެވެ.
ފާސްޓް ފުޑުން ރޯދަ ވީއްލުން ނެގުމުން އެެތަނުން މިހާރު ކުރިއަށްދާ ޕްރޮމޯޝަނެއްގައި ވެސް ބައިވެރި ވެވޭނެ އެވެ. އެއީ މި މަހުގެ 25 އާ ހަމައަށް ކުރިއަށްދާ ޕިއްޒީ/ސަބް ޕްރޮމޯޝަނެވެ.
ގުރުއަތުން ހޮވޭ ފަރާތްތަކަށް ހާއްސަ އިނާމްތަކެއް ވެސް ވަނީ ކަނޑައަޅައިފަ އެވެ.
އެއް ވަނަ އަށް ލިބެނީ އީ-ހަބުން ދޭ ޒިއޯމީ އެމްއައި 4އޭ ސްމާޓް ފޯނެކެވެ.
ދެވަނަ އަށް ހިތަދޫ "ސަރުސަނާ" ފިހާރަ އިން ދޭ ބަދިގެ ސެޓެއް ލިބޭ އިރު، ތިން ވަނަ އަށް ލިބެނީ "ރޯޔަލް ގިފްޓް" އިން ދޭ ގިފްޓް ހެމްޕާއެކެވެ.
ފާސްޓް ފުޑުން ބުނީ ގުރުއަތުން ހޮވޭ ތިން ފަރާތެއްގެ އިތުރުން، އިތުރު 10 މީހަކަށް ވެސް ފާސްޓް ފުޑުން ހާއްސަ އިނާމްތަކެއް ދޭނެ ކަމަށެވެ.