އިއްޔެ މަހަށް ނިކުމެ އުޅެނިކޮށް ގަން ކަނޑަށް ބަންޑުން ޖަހާލި ހާދިސާގައި ގެއްލުނު ހިތަދޫ މުހައްމަދު ސުމައިދު ހޯދުމުގެ މަސައްކަތް ކުރަމުން ދަނިކޮށް އޭނާގެ ފޯން މިއަދު ފެނިއްޖެ އެވެ.
ފުލުހުން ބުނީ ސުމެއިދުގެ ފޯނު ފެނުނީ ޝަންގްރިއްލާ ރިސޯޓް ކައިރީގައި އޮންނަ ފަޅުރަށް ކައިރިން ކަމަށެވެ. ފޯނުގެ އިތުރުން، ސުމެއިދު ގެންގުޅުނު ދޮށި ވެސް އެ ސަރަހައްދުން ފެނިފައިވެ އެވެ.
ދޮށި ފެނުނީ ސުމެއިދުގެ ބޭބެއަކަށް ކަމަށް އެނގިފައިވެ އެވެ.
Corporal Mohamed Sumaidh ge phone fenifaivany launch bandun jahaali kamah bunaa sarahadhdhun, police search teamah.
— Maldives Police (@PoliceMv) June 5, 2017
ސުމެއިދު ހޯދުމުގައި ސިފައިންނާއި ފުލުހުންގެ އިތުރުން އޭނާގެ އާއިލާގެ މީހުންނާއި ގާތް ރައްޓެހިން ވެސް އަންނަނީ ކުރަމުންވެވެ.
ސުމެއިދާ އެކު ދެން ޑިންގީގައި ތިބި ފޭދޫ ހުސެއިން ސައީދާއި އަހުމަދު ނާއިފް ސަލާމަތްވީ ފަތާފައި ގޮސް ކައިރީގައި އޮތް ފަޅުރަށަކަށް އެރުމުންނެވެ.