"ވަން" ބްރޭންޑް ފެނުގެ ޕްރޮމޯޝަނެއް

އައްޑޫގައި ހުންނަ ބޮޓްލިން ޕްލާންޓުން ތައްޔާރު ކުރާ "ވަން" ބްރޭންޑް މިނެރަލް ވޯޓާގެ ހާއްސަ ޕްރޮމޯޝަނެއް އަނެއްކާ ވެސް ފަށައިފި އެވެ.

"އިންޓްރޮޑިއުސް އެންޑް ވިން ޕްރޮމޯޝަން" ގެ ނަމުގައި ކުރިއަށް ގެންދާ ޕްރޮމޯޝަނުގައި ވަނީ "ވަން" ގެ މިހާރުގެ ކަސްޓަމަރުންނާއި އާ ކަސްޓަމަރުންނަަށް ހާއްސަ އިނާޔަތްތަކެއް ދޭ ގޮތަށް ނިންމައިފި އެވެ.

އެގޮތުން މިހާރު ވެސް "ވަން" ފެން ބޭނުން ކުރާ ކަސްޓަމަރަކު އިތުރު ކަސްޓަމަރަކު ތައާރަފުކޮށްދޭ ނަމަ، 50 ޕަސަންޓް ޑިސްކައުންޓާ އެކު ދެވަނަ ފުޅި ހިލޭ ޑިޕޮޒިޓްކޮށް ދޭނެ އެވެ. އަދި ހަމަ މިހާރުގެ ކަސްޓަމަރަކު ދެ ކަސްޓަމަރުން ތައާރަފުކޮށްދޭ ނަމަ އެއް ފެން ފުޅިއާ އެކު ހިލޭ ޑިޕޮޒިޓްކޮށް ދޭނެ އެވެ.

މީގެ އިތުރުން އަލަށް "ވަން" ފެނުގެ ހިދުމަތް ހޯދާ ކަސްޓަމަރަކު އިތުރު ކަސްޓަމަރަކު ތައާރަފުކޮށްދޭ ނަމަ 15-20 ޕަސަންޓާ ދެމެދުގެ ޑިސްކައުންޓެއް ހިދުމަތުން ދޭނެ އެވެ.

ހަމަމިއާ އެކު އާ ކަސްޓަމަރުންނަށް ހާއްސަ ޕެކެޖްތަކެއް ވެސް ވަނީ ތައާރަފުކޮށްފަ އެވެ.

އެގޮތުން ތިން މަހުގެ އިންސްޓޯލްމަންޓަކަށް ފައިސާ ދެއްކޭ ޕެކެޖް އެކެއްގައި ޑިސްޕެންސަރަކާ އެކު ފެންފުޅި ލިބޭނީ 1،237ރ. ފުރަތަނަ ދައްކައިގެންނެވެ. އެއީ މަހަކު 618ރ. ދައްކާ ގޮތަށެވެ. މި ޕެކެޖްގެ ފުލް ޕޭމަންޓަކީ 2،667ރ. އެވެ.

ޕެކެޖް ދޭއްގައި ހިމެނޭ ޑިސްޕެންސަރާއި ދެ ފުޅި ފެނާ އެކު ފުރަތަމަ ދައްކަން ޖެހެނީ 1،456ރ. އެވެ. އެއީ މަހަކު 782ރ. ދައްކާ ގޮތަށެވެ. އަދި އެއްކޮށް އަގު ދައްކާ ނަމަ މި ޕެކެޖްގެ އަގަކީ 3،213ރ. އެވެ.

ތިން ވަނަ ޕެކެޖްގައި ތިން ފުޅި ފެނާއި ޑިސްޕެންސަރަށް ފުރަތަމަ 1،676ރ. އެވެ. އެއީ މަހަކު 838ރ. ދައްކާ ގޮތަށެވެ. އަދި އެއްކޮށް ފައިސާ ދައްކާ ނަމަ ދައްކަން ޖެހެނީ 3،760ރ. އެވެ.

"ވަން" ބްރޭންޑްގައި ވިއްކަނީ 18.9 ލީޓަރިގެ ފެން ފުޅި އެވެ.