* ފުށްގަނޑަށް ބޭނުންވާ ތަކެތި:
1 ޖޯޑު ފުށް
1 ޖޯޑު ފެން
¼ ސައިސަމުސާ ރީނދޫ
½ ސައިސަމުސާ ލޮނު
* ތައްޔާރު ކުރާނެ ގޮތް:
ލޮނު، ރީނދޫ އަދި ފުށް އެއްކޮށްލާފައި، ފެން އެޅުމަށް ފަހު އޮލަކޮށް ގިރާލާށެވެ. އެއަށް ފަހު ރޮށި ފިހާ ތަވާ އުނދުން މައްޗަށް އުދާފައި ހޫނުވީމާ، ބޮޑު އެއް މޭޒުމަތީ ސަމުސާ ފުށް ތަވާ މައްޗަށް އަޅާފައި ރީތިކޮށް ތުނިކޮށް ފަތުރާލާށެވެ. ދެ ފުށް ރަނގަޅަށް ފިހެއު މަށް ފަހު ނަގާލާށެވެ.
މަސްގަނޑަށް ބޭނުންވާ ތަކެތި:
1 ދަޅު މަސް
2 ފިޔާ (ކުދިކޮށް ކޮށާފައި)
1 ގިތެޔޮ މިރުސް (ކުދިކޮށް ކޮށާފައި)
ހިކަނދިފަތް (ކުދިކޮށް ކޮށާފައި)
1 ސައިސަމުސާ ކަރީ ޕައުޑަ ނުވަތަ ހަނާކުރި ހަވާދު
2 މޭޒުމަތީ ސަމުސާ ޓޮމާޓޯ ޕޭސްޓް
ލޮނު
* ތައްޔާރު ކުރާނެ ގޮތް:
ތަވާ އުނދުން މައްޗަށް އުދާފައި ކުޑަ ތެޔޮ ފޮދެއް އަޅާލާށެވެ. ތެޔޮ ހޫނުވީމައި ފިޔާ، މިރުސް އަދި ހިކަނދިފަތް އަޅާފައި ފިޔާގަނޑު މީރު ކުރާށެވެ.
ފިޔާގަނޑު ރަތްވާން ފެށީމާ ރަހަލާނެ މިންވަރަށް ލޮނު ކޮޅެއް އަޅާފައި ހަވާދު އަޅާށެވެ. އެއަށް ފަހު އަނެއްކާ ވެސް ދޭފަތުން ހަލަމުން ގެންދާށެވެ. ދެ މިނެޓަށް ކެއްކުމަށް ފަހު މަސްދަޅު ހިމުންކޮށްފައި އަޅާލާށެވެ. އަދި ޓޮމާޓޯ ޕޭސްޓް ވެސް އަޅާލާށެވެ.
ދެން ހުރިހާ އެއްޗެއް އެއްކޮށްގައި ރޯފިލަން ދެން ދޭފަތުން ހަލަމުން ގެންދާށެވެ. ރޯފިލީމާ އުނދުން މަތިން ނެގުމަށް ފަހު މަސްގަނޑު ހިހޫވަންދެން ބަހައްޓާށެވެ.
* ހަދާނެ ގޮތް:
ފިހުނު އެއް ފޮޅި ނެގުމަށް ފަހު ތަށްޓެއް މަތީގައި ބާއްވާށެވެ. އެ ފޮޅީގެ ތެރެއަށް އެއް މޭޒުމަތީ ސަމުސާ މަސްގަނޑު އަޅާލާށެވެ. ދެން އެއްކޮޅުން އަނެއް ކޮޅަށް ރޯލެއްހެން އޮޅާލާށެވެ.