ވިހެއުމަށް ފަހު ރާނީ މުކަރްޖީ ކުޅުނު ފުރަތަމަ ފިލްމް "ހިޗްކީ" ގެ ޝޫޓިން ނިންމާލައިފި އެވެ.
މިދިޔަ އެޕްރީލް މަހުގެ ހަތަރު ވަނަ ދުވަހު ޝޫޓިން ފެށި، ފިލްމުގެ ޝޫޓިންތައް ނިންމައިލީ މި މަހުގެ ފަސް ވަނަ ދުވަހު އެވެ.
"ހިޗްކީ" އަކީ ރާނީ މުކަރްޖީގެ ފިރިމީހާ އަދިތިޔާ ޗޯޕްޅާގެ ފިލްމް ކުންފުނި ޔާޝް ރާޖް ފިލްމްސް (ވައިއާރްއެފް) އިން ޕްރޮޑިއުސްކޮށް ސިތާދު މަލްއުތުރާ ޑައިރެކްޓް ކުރާ ފިލްމެކެވެ.
ސިދާތަކީ 2010 ވަނަ އަހަރު ކާޖޮލް އާއި އަރުޖުން ރާމްޕާލް އަދި ކަރީނާ ކަޕޫރު ލިޑް ރޯލުން ފެނިގެން ދިޔަ "ވީ އާ ފެމިލީ" ގެ ޑައިރެކްޓަރެވެ.
And it's a wrap for #Hichki shoot! #RaniMukerji | @HichkiTheFilm pic.twitter.com/EfwWsFbAPw
— Yash Raj Films (@yrf) June 5, 2017
"ޖިޗްކީ" ގައި ރާނީ ފެނިގެން ދާނީ ތަފާތު ނުކުޅެދުންތެރި ކަމެއް ހުންނަ އެހެން ނަމަވެސް ވަރަށް ހިތްވަރު ގަދަ އަންހެނެއްގެ ރޯލުންނެވެ. މީގެ ކުރިން އޭނާ ވަނީ ސަންޖޭ ލީލާ ބަންސާލީގެ ފިލްމް ބްލަކް (2005) ގައި ލޮލަށް ނުފެންނަ، އަޑު ނީވޭ މަންމަނެއްގެ ރޯލް ކުޅެފަ އެވެ.
"ކުޗް ކުޗް ހޯތާ ހޭ" ފަދަ ފިލްމްތައް ކުޅެފައިވާ ރާނީ އެންމެ ފަހުން ރިލީޒްވި ފިލްމަކީ 2014 ގައި ފުލުހެއްގެ ރޯލް ކުޅުނު "މަރްދާނީ" އެވެ.
ވިހެއުމާ ގުޅިގެން ވަރަށް ބޮޑަށް ފަލަވި ނަމަވެސް ރާނީ ވަނީ "ހިޗްކީ" ކުޅެން ހަށިގަނޑު ވެސް ވަރަށް ބޮޑަށް ފިޓްކޮށްފަ އެވެ.
"ހިޗްކީ" ރިލީޒް ކުރާނެ ތާރީހެއް އަދި އިއުލާނެއް ނުކުރެ އެވެ.