* ބޭނުންވާ ތަކެތި:
3 ބޮނޑި ލޮނުމެދު (ކުދިކޮށް ކޮށާފައި)
2 މޭޒުމަތީ ސަމުސާ ބަޓަރު
2 މޭޒުމަތީ ސަމުސާ ކައްކާ ތެޔޮ
1 ސައިސަމުސާ ޕާސްލީ (ކުދިކޮށް ކޮށާފައި)
އަސޭމިރުސް (މުގުރާފައި)
ޕިއްޒާ ފުށްގަނޑެއް
ލޮނު
* ތައްޔާރު ކުރާނެ ގޮތް:
ކުޑަ ތަވައެއެއްގައި ލޮނުމެދު، ބަޓަރު އަދި ތެޔޮ އެއްކުރުމަށް ފަހު ބަޓަރު އެކީގައި ދިޔާވަންދެން މަޑު ގިނީގައި ކައްކާށެވެ. ބަޓަރުތައް ދިޔާވުމުން އޭގެ ތެރެއަށް ޕާސްލޭ އަޅައި ދެތިން މިންޓު ހާކާލުމަށް ފަހު އުނދުން މަތިން ބާލާށެވެ.
ޕިއްޒާ ފުއްގަނޑު ދިގަށްވާ ގޮތަށް ކަފާށެވެ. (ފުޅާ މިނުގައި އެއް އިންޗި ހުންނަ ވަރަށް) އެއަށް ފަހު ކޮންމެ ފުށްކޮޅެއްގައި ގޮށެއް ޖަހާލާށެވެ.
ގޮށް ޖަހައި ނިމުމުން ފިހާ ޓްރޭގައި ފުށް ކޮޅުތައް އަތުރާލާށެވެ.
އެއަށް ފަހު އޭގެ މަތީގައި ކުރިން ތައްޔާރު ކުރި ގާލިކް ބަޓަރު ޕޭސްޓު ހާކާލާށެވެ. މައްޗަށް ކުޑަ ލޮނުކޮޅަކާއި އަސޭމިރުސް ކޮޅެއް ބުރުވާލުމަށް ފަހު އަވަނަށް ލައި ފިހެލާށެވެ.