ދިވެހި އިންޝުއަރަންސް ކުންފުނިން ކެފޭތަކާއި ރެސްޓޯރެންޓުތަކަށް ޚާހާއްސަ އިންޝުއަރަންސް ޕްލޭނެއް ތައާރަފްކޮށްފި އެވެ.
ރޭ ބޭއްވި ޚާއްސަ ރަސްމިއްޔާތެއްގައި އެ ޕޮލިސީ އިފްތިތާހުކޮށް ދެއްވީ އެ ކުންފުނީގެ މެނޭޖިން ޑިރެކްޓަރު އަބްދުލް ވާހިދެވެ
އޭނާ ވިދާޅުވީ ކެފޭތަކާއި ރެސްޓޯރަންޓްތަކަށް ހާއްސަ ޕްލޭނެއް ތައާރަފު ކުރީ އެފަދަ ތަންތަން ރާއްޖޭގައި އިތުރުވެ، އަދި ބޭރުގެ ފްރެންޗައިޒްތައް އިތުރުވަމުންދާތީ އެފަދަ ތަންތަނަށް ޚާއްސަ އިންޝުއަރެންސް ޕެކޭޖެއް އޮތުމަކީ މުހިއްމު ކަމެއް ކަމަށް ފެންނާތީ ކަމަށެވެ.
ދިވެހި އިންޝޫރަންސުން ތައާރަފު ކުރި ޕެކޭޖްގެ ދަށުން ވައްކަމެއްގެ ސަބަބުން ލިބޭ ގެއްލުމަކާ ހެދޮ ވިޔަފާރި ބަންދު ކުރަން ޖެހޭ ހާލަތްތަކުގައި، ބަންދުކޮށްފައި ހުންނަ ދުވަސްތަކަށް އެތަނަކަށް ލިބޭ ފައިދާއާ އެއް މިންވަރަކަށް މުވައްޒަފުންގެ މުސާރައާ އެކު ބަދަލު ލިބޭނެ ޕެކެޖެއް ހިމެނެ އެވެ.
މީގެ އިތުރުން ޕެކޭޖުގެ ދަށުން ކެފޭ ނުވަތަ ރެސްޓޯރެންޓްގެ ފައިސާ އެތަނަކުން ބޭންކަށް ޖަމާކުރުމަށް ގެންދިޔުމުގެ މަގުމަތީގައި ފައިސާ ފޭރިގަނެފި ހާލަތެއްގައި ވެސް ބަދަލު ލިބޭނެ އެވެ.
އެ ޕޮލިސީގައި އިތުރަށް ކަވަރުކުރާ ގެއްލުންތަކުގެ ތެރޭގައި މަގުމަތީގައި ހިނގާ އެކްސިޑެންޓެއްގެ ސަބަބުން ރެސްޓޯރެންޓަށް ލިބިދާނެ ގެއްލުމަކާއި، ދިމާވެދާނެ ގުދުރަތީ ހާދިސާއަކުން ލިބިދާނެ ގެއްލުމުގެ ބަދަލު ހޯދައި ދިނުން ވެސް ހިމެނެ އެވެ.
އަދި ކެފޭ ރެސްޓޯރަންޓުތަކުގައި ތައްޔާރު ކުރާ ކާނާގެ ރައްކާތެރިކަމާއި ތަނުގެ ސާފު ތާހިރުކަމާއި އަލިފާނުގެ ހާދިސާތަކުގައި މި އިންޝުއަރަންސް ޕެކޭޖުން ބަދަލު ލިބޭނެ އެވެ.
މިދިޔަ އަހަރު ހިދުމަތަށް ނިކުތް ދިވެހި އިންޝޫތަންސްގެ އާ ޕޮލިސީ އެންމެ ފުރަތަމަ ނެދީ ފަހުން މާލޭގައި ހުޅުވީ "ބާސެލޮސް" އިންނެވެ.