އަނުޝްކާ ޝަރްމާ ޕްރޮޑިއުސްކޮށް، ލީޑް ރޯލް ކުޅޭ ތިން ވަނަ ފިލްމް "ޕަރީ" ގެ ޝޫޓިން ފަށައިފި އެވެ.
އޭނާ ވަނީ ފިލްމުގެ ފަސްޓްލުކް ވެސް ޓްވިޓާގައި ދައްކާލައިފަ އެވެ. އެއިން ފެންނަނީ އަނުޝްކާ ފެންކަޅިވެފައި ހުރި މޫނަކާ އެކު ބިރުވެރި ކަހަލަ ގޮތަކަށެވެ.
"ޕަރީ" އަކީ އަނުޝްކާގެ ކްލީން ސްލޭޓް ފިލްމްސް އާއީ ކްރިއާޖް އެންޓަޓައިންމަންޓް ގުޅިގެން ހަދާ ފިލްމެކެވެ.
ޕްރޮސީތު ޑައިރެކްޓް ކުރާ ފިލްމުން އަނުޝްކާއާ އެކު ބަތަލެއްގެ ރޯލުން ފެނިގެން ދާނީ "ކަހާނީ" ފަދަ ފިލްމްތަކުން ފެނިފައިވާ ބެންގާލީ އެކްޓަރު ޕަރަމްބްރަޓާ ޗެޓަޖީ އެވެ.
Pari…First Look @OfficialCSFilms @kriarj @paramspeak #PariFirstLook pic.twitter.com/GvO6YfjIjz
— Anushka Sharma (@AnushkaSharma) June 13, 2017
"ޕަރީ" ގެ އިތުރުން އަނުޝްކާ ވަނީ މިހާތަނަސް ދެ ފިލްމެއް ޕްރޮޑިއުސްކޮށް، އެ ފިލްމުގެ ލީޑް ރޯލް ކުޅެފަ އެވެ.
އެއީ ދާދި ފަހުން ރިލީޒް ކުރި "ފިލޯރީ" އާއި 2015 ގައި ރިލީޒް ކުރި "އެންއެޗް 10" އެވެ.
އޭނާ މިހާރު އަންނަނީ ޝާހްރުކާ އެކު އާނަންދް އެލް ރާއީގެ ފިލްމެއްގެ މަސައްކަތް ވެސް ކުރަމުންނެވެ.
މީގެ އިތުރުން އިމްތިއާޒް އަލީ ޑައިރެކްޓްކޮށް އަންނަ އޮގަސްޓް މަހު 4 ގައި ރިލީޒް ކުރާ "ޖަބް ހެރީ މެޓް ސޭޖަލް" އިން ޝާހްރުކާ އެކު ވެސް އަނުޝްކާ ފެނިގެން ދާނެ އެވެ.
"ޕަރީ" ރިލީޒް ކުރާނެ ތާރީހެއް އަދި އިއުލާނެއް ނުކުރެ އެވެ.