އައްޑޫގެ އާބާދީ ކިހާ ވަރެއްކަން އެނގޭތަ؟

މާލެ ނަގާފައި ރާއްޖޭގައި އެންމެ ބޮޑު އާބާދީއެއް އޮތީ ރާއްޖޭގެ އެންމެ ދެކުނުން އައްޑޫގަ އެވެ. އެކަމަކު އައްޑޫގެ މިހާރުގެ އާބާދީއަކީ ކިހާ ވަރެއްކަން އެނގޭ ހެއްޔެވެ؟

މީގެ ތަންކޮޅެއް ތަފުސީލް ހިސާބުތަކަކަށް ދަމާ ހިނގާށެވެ. އައްޑޫ ސިޓީ ކައުންސިލުން އާންމުކޮށްފައިވާ ތަފާސް ހިސާބުތަކަށް ބަލާ އިރު އެޕްރީލް 10، 2017 އާ ހަމައަށް އައްޑޫގެ އާބާދީއަކީ 33،188 މީހުންނެވެ.

އައްޑޫގެ މުޅި އާބާދީގެ ފިރިހެނުންގެ ނިސްބަތް 17،164 ގައި އުޅޭ އިރު އަންހެނުންގެ އަދަދަކީ 16،024 އެވެ.

ވަކިވަކި އަވަށްތަކުގެ އާބާދީ އަށް ބަލާ އިރު އެންމެ ބޮޑު އާބާދީއެއް އޮތީ ހިތަދޫގަ އެވެ. އެ އަވަށުގެ އާބާދީއަކީ 15،822 އެވެ. އެއީ 8،163 ފިރިހެނުންނާއި 7،659 އަންހެނުންނެވެ.

ދެން އެންމެ އާބާދީ ބޮޑީ ފޭދޫގަ އެވެ. އެ އަވަށުގައި 5،491 މީހުން ތިބި އިރު، އަންހެނުންގެ އަދަދަކީ 2،659 އެވެ. ފިރިހެނުންގެ އަދަދަކީ 2،832 އެވެ.

އައްޑޫގައި ތިން ވަނަ އަށް އެންމެ އާބާދީ ބޮޑީ ހުޅުދޫގަ އެވެ. އެ އަވަށުގައި އާބާދީގައި 3،764 މީހުން އެބަ ތިއްބެވެ. އެއީ 1،934 ފިރިހެނުންނާއި 1،830 އަންހެނުންނެވެ.

އާބާދީގެ ގޮތުން ހަތަރު ވަނާގައި އޮތީ މަރަދު އެވެ. އެ ރަށުގައި ޖުމްލަ 1،856 ފިރިހެނުންނާއި 1،562 އަންހެނުންނާ އެކު ޖުމްލަ 3،418 މީހުން އެބަ ތިބި ކަމަށް ކައުންސިލްގެ ތަފާސް ހިސާބުން ދައްކަ އެވެ.

އެންމެ އާބާދީ ބޮޑު ދެ އަވަށަށް ބަލާ އިރު އާބާދީ އެންމެ ކުޑައީ މަރަދޫފޭދޫގަ އެވެ. އެ އަވަށުގެ އާބާދީއަކީ 1،808 މީހުންނެވެ. އެއީ 913 ފިރިހެނުންނާއި 895 އަންހެނުންނެވެ.

މީދު އަށް ޖެހިލާ އިރު އެ އަވަށުގެ އާބާދީގައި ތިބީ 2،885 މީހުންނެވެ. އެއީ 1،466 ފިރިހެނުންނާއި 1،419 އަންހެނުންނެވެ.

ފާހަގަކޮށްލެވޭ ކަމަކީ އައްޑޫގެ އާބާދީ 33،000 އަށް ވުރެ މަތީގައި އުޅޭ އިރު، އައްޑޫން ގިނަ ބަޔަކު މާލެ އަށް ހިޖުރަ ވެސްކޮށްފައިވާ ކަމެވެ. އެއީ އެކިއެކި ސަބަބުތަކާ ހެދި އެވެ.

އެގޮތުން އައްޑޫގެ އަވަށްތަކަށް ބަލާ އިރު، ވަކިން އޮންނަ ހުޅުދު އާއި މީދޫން ފަޅުކަން ވަރަށް ބޮޑަށް ފާހަގަ ކުރެވޭނެ އެވެ.