އުރީދޫގެ ހިއްސާ މިދިޔަ މަހު ވިއްކުމަށް ފަހު، ހިއްސާ އެކަށައެޅުމުގެ މަސައްކަތް މޯލްޑިވްސް ސެކިއުރިޓީ ޑިޕޮސިޓަރީއާ އެކު ފަށައިފި އެވެ.
އުރީދޫން ބުނީ މި މަހުގެ 18 ވަނަ ދުވަހުގެ ނިޔަލަށް ހިއްސާ އެކަށައަޅައި އެކަން އާންމުކޮށް އިއުލާން ކުރާނެ ކަމަށެވެ.
"އުރީދޫގެ ކަސްޓަމަރުންނާއި ދިވެހި ރައްޔިތުންގެ ފަރާތުން އުރީދޫގެ އައިޕީއޯ އަށް ލިބިފައިވާ އެއްބާރުލުމާއި ތަރުހީބުގެ ސަބަބުން، މިއީ ދިވެހި ރާއްޖޭގައި މިހާތަނަށް ހުޅުވާލެވުނު އައިޕީއޯ ތަކުގެ ތެރެއިން އެންމެ ބޮޑު އިންވެސްޓްމަންޓް ލިބިފައިވާ އައިޕީއޯކަން މި ފުރުޞަތުގައި އުފަލާއެކު ފާހަގަކުރަމެވެ،" އުރީދޫން ބުންޏެވެ. "އުރީދޫ އަށް އިންވެސްޓްކޮށް މި ކުންފުނީގެ ކުރިއެރުމާއި ކާމިޔާބީގެ ހިއްސާއަކަށް ވެވަޑައިގަނެފައިވާ އައު ހިއްސާދާރުން ވަރަށް ހޫނު މަރުހަބާއެއް ދަންނަވަމެވެ."
އުރީދޫން ފުރަތަމަ ވިއްކަން ނިންމާފައިވަނީ 59.1 މިލިއަން ހިއްސާ އެވެ. އަދި އެ އަދަދަށް ވިކިއްޖެ ނަމަ އެ ކުންފުންޏަށް 1.7 ބިލިއަން ރުފިޔާ ހޯދޭނެ އެވެ. އެ ކުންފ
އެ ކުންފުނިން ފުރަތަމަ ވިއްކަން ހުޅުވާލީ 22 މިލިއަން ހިއްސާ އެވެ.
އުރީދޫގެ ހިއްސާއެއް ވިއްކީ 30ރ. އަށެވެ. އަދި އެންމެ މަދުވެގެން ހިއްސާ ގަނެވޭނެ އަދަދެއްގެ ގޮތުގައި ކަނޑައަޅާފައި ވަނީ 50 ހިއްސާ އެވެ.
އުރީދޫން ބުނީ ހިއްސާ ގަތް މީހުންނަށް ފައިދާގެ ގޮތުގައި ފުރަތަމަ އަހަރު ވެސް 10 ޕަސެންޓް ލިބޭނެ ކަމަށެވެ.
އުރީދޫ މޯލްޑިވްސް އިން ރާއްޖޭގައި ހިދުމަތް ފެށި 2005 ގަ އެވެ.