ދެ ފަހަރެއްގެ މަތިން އިއުލާންކޮށްގެން ވެސް ހުޅުމީދޫގެ ފްލެޓްތަކަށް އާންމުންގެ ފަރާތުން އެކަށީގެންވާ ތަރުހީބެއް ލިބިފައި ނުވާތީ، ހައުސިން މިނިސްޓްރީން ތިން ވަނަ ފަހަރަށް އެ ފްލެޓްތަކަށް ކުރިމަތިލާބް ހުޅުވާލައިފި އެވެ.
މިނިސްޓްރީން ނެރުނު އިއުލާނެއްގައި ބުނީ ހުޅުމީދޫގައި އިމާރާތްކޮށްފައިވާ 48 ފްލެޓަށް ކުރިމަތިލާން ހުޅުވާލައި މިއަދުން ފެށިގެން ފޯމް ދޫކުރަމުން އަންނަ ކަމަށެވެ.
ފޯމް ދޫކުރަނީ ހުޅުމީދޫގައި ހުންނަ ހައުސިން މިނިސްޓްރީގެ ޑިޕާޓްމަންޓުންނެވެ. އަދި މިނިސްޓްރީގެ ވެބްސައިޓުން ވެސް ފޯމް ޑައުންލޯޑް ކުރެވޭނެ އެވެ.
ފްލެޓްތަކަށް ކުރިމަތިލާން މި ފަހަރު ދިން މުއްދަތު ހަމަވާނީ އަންނަ އޮގަސްޓް މަހުގެ 9 ގަ އެވެ.
ހައުސިން މިނިސްޓްރީން ބުނީ އަލުން ފްލެޓްތަކަށް ކުރިމަތިލާން ހުޅުވާލީ އުސޫލަށް ބައެއް ބަދަލުތައް ވެސް ގެނެސްގެން ކަމަށެވެ.
މިނިސްޓްރީން ވަނީ ހިތަދޫގައި 264 ފްލެޓް އިމާރާތްކޮށްފަ އެވެ. އެ ފްލެޓްތަކަށް މިދިޔަ އަހަރު ފުރުސަތު ހުޅުވާލުމުން 585 މީހަކު ވަނީ ފޯމް ލައިފަ އެވެ
އެހެން ނަމަވެސް ފްލެޓްތައް ދޫކުރުން ލަސްވުމުގެ ޝަކުވާ ވަރަށް ބޮޑެވެ.