ކުރިއަށް އޮތް ފިތުރު އީދު ދުވަހު ހިތަދޫ އެމްސީ ޔުނައިޓް ޖަމިއްޔާ އިން "އައްޑޫ އީދު ފޯރި" ގެ ނަމުގައި އީދު ކުޅިވަރު ހަރަކާތްތަކެއް ބާއްވަން ނިންމައިފި އެވެ.
އެ ޖަމިއްޔާ އިން ބުނީ މިއީ ފިތުރު އީދު ކުލަ ގަދަކޮށް ފާހަގަ ކުރުމުގެ ގޮތުން އެ ޖަމިއްޔާ އާއި ހިތަދޫ ޒުވާނުންގެ މަރުކަޒާއި އައްޑޫ ފުޓްބޯޅަ ސްޓޭޑިއަމް ގުޅިގެން ބާއްވާ ހަރާތްތަކެއް ކަމަށެވެ.
އެގޮތުން އީދު ފެހުން ޖެހުން އީދު ދުވަހު ހެނދުނު 9:00-11:00 އަށް ހިތަދޫ ވަށްބުރުގައި އޮންނާނެ އެވެ.
އޭގެ ފަހުން މެންދުރު ފަހު 3:00-6:30 އަށް މާލި އޮންނާނެ އެވެ. މާލި ކުޅިވަރު ފަށާނީ ހިތަދޫ ސްކޫލް ކައިރިންނެވެ. ނިންމާނީ ސްޓޭޑިއަމަށެވެ.
މީގެ އިތުރުން އީދު ދުވަހުގެ ރޭ ހިތަދޫ ޔޫތު ސެންޓަރު އިންޑޯ ހޯލްގައި އީދު ޝޯ އޮންނާނެ އެވެ. ޝޯ ކުރިއަށް ދާނީ 9:00-23:00 އަށެވެ.
އެމްސީ ޔުނައިޓެޑުން އިސް ނަގައިގެން ބާއްވާ އީދު ކުޅިވަރުގެ ސްޕޮންސަރުންނަކީ ހިތަދޫ އީ-ހަބް، އައިސީއެމް، މެގަ ޓެކްސީ އަދި ފާސްޓް ފުޑް ރެސްޓޯރަންޓެވެ.