ސޯޝަލް މީޑިއާ އެކްޓިވިސްޓް ފޭދޫ ޔާމީން ރަޝީދު މަރާލި މައްސަލާގައި ހައްޔަރުކޮށްފައިވާ ދެ މީހެއްގެ ބަންދުގެ މުއްދަތު އިތުރުކޮށްފި އެވެ.
އިއްޔެ ކްރިމިނަލް ކޯޓުން ބަންދުގެ މުއްދަތު އިތުރުކޮށްފައި ވަނީ ގދ. ތިނަދު އަށް ނިސްބަތްވާ މީހަކާއި މާލެއަށް ނިސްބަތްވާ މީހެކެވެ.
މިގޮތުން ތިނަދު އަށް ނިސްބަތްވާ މީހާގެ ބަންދުގެ މުއްދަތަށް 10 ދުވަސް އިތުރުކޮށްފައިވާ އިރު މާލެއަށް ނިސްބަތްވާ މީހާގެ ބަންދަށް ވަނީ 15 ދުވަސް އިތުރުކޮށްފަ އެވެ.
ޔާމީން ރަޝީދު މަރާލި މައްސަލާގައި ހަތް މީހަކު ހައްޔަރުކޮށްފައިވާ އިރު ޔާމީން މަރާލުމުގައި އިސްކޮށް ތިބި މީހުން ދެނެގަނެވި ފުލުހުން ވަނީ އެމީހުންގެ ވަނަވަރު އާއްމުކޮށްފަ އެވެ.