ގޯދިއްޔާ ވިމެންސް ފުޓްސަލް ކަޕް 2017 ގެ ރޭ ކުޅުނު މެޗުގައި މަރަދޫ އެފްސީއާއި ބައްދަލުކޮށް އޭޓީޑަބްލިއު 1-11 އިން މެޗު ކާމިޔާބުކޮށްފި އެވެ.
މެޗު ފެށުނީއްސުރެ މެޗުގެ ފުރިހަމަ ކޮންޓްރޯލް އޭޓީޑަބްލިއު ޓީމު ނަގާފައިވާއިރު އެޓީމު ވަނީ މެޗުގެ ފުރަތަމަ ހާފުގައި ހަ ލަނޑު ޖަހާފައެވެ. މަރަދޫ އެފްސީއަށް ފުރަތަމަ ހާފުގައި އެންމެ ލަނޑެއްވެސް ކާމިޔާބު ކުރެވިފައެއް ނުވެއެވެ.
އޭޓީޑަބްލިއު ވަނީ ދެވަނަ ހާފުގައި ކުޅެން ނިކުތުމަށްފަހު އިތުރު ފަސް ލަނޑު ޖަހާފައެވެ. މިހާފުގައި މަރަދޫ ޓީމަށް އެއް ލަނޑު ކާމިޔާބުކުރެވިފައެވެއެވެ.
އޭޓީޑަބްލިއުގެ ލަނޑުތައް ޖަހާފައިވަނީ އަނޫޝާ، ޝަހުލާ ތައުފީގްގެ އިތުރުން އާމިނަތް ހައިފާ އަލީ ރަޝީދެވެ. އެޓީމުން ޖެހި 11 ލަނޑުގެ ތެރެއިން ހަ ލަނޑު ޖަހާފައިވަނީ ޝަހުލާ ތައުފީގެވެ. އަނޫޝާ ރޭގެ މެޗުގައި ތިން ލަނޑު ޖަހާފައިވާއިރު ހައިފާ ވަނީ ދެ ލަނޑު ކާމިޔާބުކޮށްފައެވެ.
މަރަދޫ އެފްސީގެ ހަމައެކަނި ލަނޑު ޖަހާފައިވަނީ ފާތުމަތް ޝަހުބާ ޝާހިދެވެ. ރޭގެ މެޗުގެ މޮޅު ކުޅުންތެރިޔަކަށް ހޮވިފައިވަނީ އޭޓީޑަބްލިއުގެ ޖާޒީ ނަމްބަރު 8، ޝަހުލާ ތައުފީގެވެ.