ހަގީގީ ޖަލަކީ ބިރު ކަމަށާއި، ހަގީގީ މިނިވަން ކަމަކީ ބިރުން ސަލާމަތްވުން ކަމަށް ވިދާޅުވެ ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ އިދިކޮޅު މެމްބަރުންނަށް ފާޑުވިދާޅުވެއްޖެ އެވެ.
އިންތި މިހެން ވިދާޅުވެފައިވަނީ ރޭ ކުރި ޓުވީޓެއްގައި ޕީޕީއެމްގެ މެމްބަރުންނަށް އަމާޒުކޮށެވެ. ހަގީގީ މިނިވަން ކަމަކީ ބިރުން ސަލާމަތްވުން ކަމަށް އިންތި ވިދާޅުވެފައިވާއިރު ސަރުކާރު ކޯލިޝަނުގެ މެމްބަރުންގެ މެދުގައި ހިޔާލުތަފާތުވުންތައް އަންނަނީ އުފެދެމުންނެވެ.
PPM MPs dhannanvee kamakee, haqeeqee hama ekani jalakee "biru" kan.Adhi haqeeqee hama ekani minivan kamakee "birun" salaamaiy vegenvunkan
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) June 28, 2017
ދާދި ފަހުން ޕީޕީއެމްގެ މެމްބަރަކު ވަނީ ފިޝެރީޒް މިނިސްޓަރުގެ އިސްތިއުފާއަށް ގޮވާފައެވެ. އެކަން ކުށްވެރިކޮށް ވާހަކަ ދައްކާފައިވަނީވެސް މަދު މެމްބަރުންކަން ފާހަގަކޮށްލެވެއެވެ.
މީގެ އިތުރުން ރައްޔިތުންގެ މަޖިލީހުގެ ރައީސް މަޖިލިސް މެމްބަރުންނަށް އެރުވި ރޯދަ ވީއްލުމުގައި ޕީޕީއެމްގެ ގިނަ މެމްބަރުން ބައިވެރިވެވަޑައިނުގެންފައިވާ ކަން ޕާޓީގެ މެމްބަރުން އަންނަނީ ފާހަގަކޮށް ސުވާލު އުފައްދަމުންނެވެ.