މިއަދުގެ ވަގުތެއްގައި ފުވައްމުލަކު ބަންޑާރަ ކިޅީގައި އަލިފާން ރޯވެ ބޮޑު ބައެއް އަނދައިފި އެވެ.
މައުލޫމާތު ލިބިފައިވާ ގޮތުގައި ސަރަހައްދުގައި ރޯވި ކަމުގެ އަލިފާން ރޯވި ކަމުގެ ޚަބަރު ފަޔަރ އެންޑް ރެސްކިޔު ސާރވިސްއަށް ލިބުނީ މިއަދު މެންދުރު 2:00 އެހާއިރެވެ. އެސަރަހައްދުގައި ވައި ހުރި ގޮތުން އަލިފާންގަނޑު ނިއްވާލުމަށް ގިނަ ވަގުތުތަކެއް ނެގިއެވެ.
މިހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ. ނަމަވެސް ބޯކޮށް ގަސް ހެދިފައިވާ ބަންޑާރަ ކިޅީގެ ބޮޑު ސަރަހައްދެއް ވަނީ އަނދާ ހުލިވެފައެވެ. ރޯވި އަލިފާންގަނޑު ނިއްވާލެވިފައި ވަނީ މިއަދު ހަވީރު 5:30 އެހާކަށް ހާއިރުގައެވެ.
ބަންޑާރަ ކިޅީގައި ރޯވި ސަބަބެއް އަދި އެނގިފައި ނުވާއިރު ފުލުހުން ދަނީ މި މައްސަލަ އިތުރަށް ތަހުޤީޤު ކުރަމުންނެވެ. އެސަރަހައްދަކީ މީގެ ކުރިން ވެސް އެކި ފަހަރު މަތިން އަނދާފައިވާ ސަރަހައްދެއްކަން ފާހަގަކުރެވެއެވެ.