ވ. ކެޔޮދޫ ގޮނޑުދޮށުން ފިސްތޯލެއް ކަމަށް ޝައްކު ކުރެވޭ އެއްޗެއް ފެނިއްޖެ އެވެ.
ފުލުހުންގެ މީޑިއާ އޮފިޝަލް ވިދާޅުވީ ފިސްތޯލައެއް ކަމަށް ބެލެވޭ އެއްޗެއްގެ މައުލޫމާތު ކެޔޮދޫން ފެނުނު ކަމުގެ މައުލޫމާތު ފުލުހުންނަށް ލިބުނީ މިއަދު ހެނދުނު 11:30 ގައި ކަމަށާއި އެސަރަހައްދުގައި ފުލުހުން ހަރަކާތްތެރިވަމުން އަންނަ ކަމަށެވެ.
ކެޔޮދޫން ވާހަކަ ދެއްކި މީހަކު ބުނީ ފިސްތޯލަ ފެނިފައި ވަނީ ރަށުގެ އަތިރިމަތީގައި ކުޅެންތިބި ކުދި ބަޔަކަށް ކަމަށެވެ.
ފުލުހުން ބުނީ ބަލަން ޖެހޭ ކަންކަން ބަލަމުންދާތީ އިތުރު ތަފްސީލެއް މިވަގުތު ދެވެން ނެތް ކަމަށެވެ.
ފިސްތޯލައެއް ކަމަށް ބެލެވޭ އެއްޗެއް މިއަދު ފެނުނު އިރު މީގެ ކުރިން ކުރީގެ ޑިފެންސް މިނިސްޓަރު ކާނަލް ނާޒިމް ދިރިއުޅުއްވާ ކޮޓަރި ތެރެއިން ފެނުނު ޕިސްތޯލަ އާއި ނާޒިމްއާ ގުޅުމެއް ނުވާ ކަމަށް ކުރީގެ ނައިބް ރައީސް އަހްމަދު އަދީބު ވަނީ މިއަދު ސްޕްރީމް ކޯޓަށް ސިޓީއެއް ފޮނުވައިފަ އެވެ.