ކުރީގެ ޑިފެންސް މިނިސްޓަރު ކާނަލް މުހައްމަދު ނާޒިމްގެ އެއްވެސް ކުށެއް ނެތް ކަމަށާއި ވަގުތުން ކާނަލް ރޓ. މުޙައްމަދު ނާޒިމް މިނިވަން އަދާލަތު ޕާޓީން ގޮވާލައިފި އެވެ.
ކުރީގެ ނައިބު ރައީސް އަހުމަދު އަދީބު ސުޕްރީމް ކޯޓުގެ އުއްތަމަ ފަނޑިޔާރަށް ނާޒިމު ދިފާޢުކުރައްވާ ފޮނުއްވި ސިޓީގައި ނާޒިމްގެ އެޕާޓުމެންޓުން ފެނުނު ފިސްތޯލައިގެ އެއްވެސް ހަޤީގަތެއް ނާޒިމަށް އެނގިނުލައްވާނެކަމަށް ވަނީ ވިދާޅުވެފައެވެ.
އަދާލަތު ޕާޓީން ނެރުއްވި ބަޔާނުގައި ވާގޮތުން ނާޒިމް އިތުރަށް ބަންދުގައި ބަހައްޓަން ޖެހޭ އެއްވެސް ސަބަބެއް ނެތެވެ. ހަމައެހެންމެ، މައްސަލައިގެ ހަގީގަތް މުޅިން ސާފުވެފައިވާ ކަމަށްވެސް މިބަޔާނުގައި ވެއެވެ.
ހަނގުރާމަވެރި ހަތިޔާރު ގެންގުޅުމުގެ ކުށް ނާޒިމްގެ މައްޗަށް ސާބިތުވެ އޭނާ ދަނީ 11 އަހަރުގެ ޖަލު ހުކުމެއް ތަންފީޒު ކުރަމުންނެވެ.