އަކްޝޭ ކުމާރު މީގެ ކުރިން ވެސް ވަނީ ރިއަލިޓީ ބައެއް ޝޯތައް ހުށަހަޅައި ދީފަ އެވެ. އޭގެ ތެރޭގައި "ހަތުރޯން ކާ ކިލާޅީ" ފާހަގަކޮށްލެވެ އެވެ.
ފުލުފުލުގައި ވަރަށް ބިޒީކޮށް ފިލްމްތަކުގައި މަސައްކަތް ކުރަމުން އަންނަ އަކްޝޭ އަނެއްކާ ވެސް ވަނީ ރިއަލިޓީ ޝޯއަކަށް އެއްބަސްވެފަ އެވެ. މި ފަހަރު އޭނާ ފެންނާނީ ޝޯގެ ޖަޖެއްގެ ގޮތުންނެވެ.
އެއީ ސްޓާ ޕްލަސް ވަރަށް އަވަހަށް ފަށަން ތައްޔާރުވަމުން އަންނަ "ދަ ގްރޭޓް އިންޑިއަން ލާފްޓާ ޗެލެންޖް" އެވެ. މި ޝޯގެ ޓްރެއިލާ ވެސް މިހާރު ސްޓާ ޕްލަސް އިން ދައްކަމުން އަންނަ އިރު، އަކްޝޭ ވަނީ ޓްވިޓާގައި އެ ޝޯއާ ބެހޭ ގޮތުން ޓްވީޓް ވެސްކޮށްފަ އެވެ.
އޭނާ ބުނީ ކޮމެޑީ އަށް ލޯބި ކުރާ ނަމަ، އެކަހަލަ ހުނަރުވެރިން ހޯދަން މިހާރު އަތްފުނާ އަޅަމުން އަންނަ ކަމަށެވެ.
Kya aapki comic timing perfect hai? Mujhe talaash hai aapke jaise best stand up comedian ki. #TheGreatIndianLaughterChallenge @StarPlus pic.twitter.com/gA57oHvOzG
— Akshay Kumar (@akshaykumar) July 1, 2017
ދާދި ފަހުން "ޕެޑްމޭން" ގެ މަސައްކަތް ނިންމާލި އަކްޝޭ މިހާރު ހުރީ އޭނާގެ ކުރިއަށް އޮތް ފިލްމް "ގޯލްޑް" ގެ ޝޫޓިން އަށް އިނގިރޭސިވިލާތުގެ ބްރެޑްފޯޑްގަ އެވެ.
އަކްޝޭ ދެން އެންމެ އަވަހަށް ފެނިގެން ދާނީ އަންނަ މަހުގެ 11 ގައި ރިލީޒް ކުރާ "ޓޮއިލެޓް: އޭކް ޕްރޭމް ޙަތާ" އިންނެވެ.