ރައްޔިތުންގެ މަޖިލީހުގެ ރައީސް އަބްދުﷲ މަސީހްގެ އިތުބާރު ނެތް ކަމުގެ މައްސަލަ، 45 މެމްބަރުންގެ ސޮޔާ އެކު މިއަދު މަޖިލީހަށް ހުށަހަޅައިފި އެވެ.
މަސީހުގެ އިތުބާރު ނެތް ކަމުގެ މައްސަލަ 45 ސޮޔާ އެކު ހުށަހެޅުވިއްކަން، މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒް ކުރެއްވި ޓްވީޓެއްގައި ވަނީ ކަށަވަރުކޮށް ދެއްވައިފަ އެވެ.
Submitted with 45 signatures! Congratulations and thanks to all who took stand for the people!
— Abdulla Riyaz MP (@riyazabdulla) July 3, 2017
މަސީހުގެ އިތުބާރުގެ މައްސަލަ އަލުން މަޖިލީހަށް ވައްދާފައި މި ވަނީ އެ މަނިކުފާންގެ މައްޗަށް ކުރިން "ގަދަ ބާރުން ނެގި" ރޯލްކޯލް ވޯޓް ސަރުކާރު ހިންގާ ޕީޕީއެމްގެ ރައީސް އަބްދުﷲ ޔާމީން ފަޅީގެ މެމްބަރުންގެ ވޯޓާ އެކު ކާމިޔާބުކޮށްފައި ވަނިކޮށެވެ.
އަދި މިކަމާ ގުޅިގެން ފަހުން ވަނީ އިތުބާރު ނެތް ކަމުގެ މައްސަލަ މަދުވެގެން 42 މެމްބަރުންގެ ސޮޔާ އެކު ނޫނީ ހުށަނޭޅޭ ގޮތަށް މަޖިލީހުގެ ގަވައިދު ވެސް ފާސްކޮށްފަ އެވެ.