ވަރުން ދަވަން އާއި އަނުޝްކާ ޝަރްމާ ފުރަތަމަ ފަހަރަށް އެކީގައި ފިލްމެއް ކުޅެން ސޮއިިކޮށްފި އެވެ.
މި ފިލްމަކީ ޔާޝް ރާޖް ފިލްމްސް (ވައިއާރްއެފް) އިން އުފައްދާ "ސުއީ ދާގާ: މޭޑް އިން އިންޑިއާ" އެވެ. މިއީ ޝަރަތު ކަޓަރިއާ ލިޔެ، ޑައިރެކްޓް ކުރާ ފިލްމެކެވެ.
އޭނާއަކީ 2015 ވަނަ އަހަރު ރިލީޒް ކުރި "ދަމް ލަގާ ކޭ ހައިޝާ" ގެ ޑައިރެކްޓަރެވެ.
އަންނަ ޖެނުއަރީ މަހު ޝޫޓިން ފަށާ "ސުއީ ދާގާ" އަކީ ވަރުން ވައިއާރްއެފްގެ ފިލްމަކަށް ސޮއި ކުރި ފުރަތަމަ ފަހަރެވެ. އެހެންވެ އެ ސްޓޫޑިއޯގެ ފިލްމެއް ކުޅެން ލިބުމުން އޭނާ ހުރީ ވަރަށް އުފަލުންނެވެ.
އަދި އަނުޝްކާއާ އެކު ސްކްރީން ހިއްސާކޮށްލަން ލިބޭތީ ވަރުން ހުރީ ވަރަށް ހިތްހަމަޖެހިފަ އެވެ.
އަނުޝްކާ ބޮލީވުޑަށް ތައާރަފުވީ ވެސް ވައިއާރްއެފްގެ ފިލްމަކުންނެވެ. އެއީ 2008 ގައި "ރަބް ނެ ބަނާދީ ޖޯޅީ" އިންނެވެ. އޭގެ ފަހުން ވެސް އޭނާ ވަނީ އެ ސްޓޫޑިއޯގެ ފިލްމްތަކެއް ކުޅެފަ އެވެ.
ވަރުން އާއި އަނުޝްކާގެ ޖޯޑު ފުރަތަމަ ފަހަރަށް ފެނިގެންދާ "ސުއީ ދާގް" ރިލީޒް ކުރާނީ އަންނަ އަހަރުގެ އޮކްޓޯބަރު 2 ގަ އެވެ.