ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު، އެޓާނީ ޖެނެރަލް މުހައްމަދު އަނިލް އާއި ޗީފް އޮފް ޑިފެންސް ފޯސް އަހުމަދު ޝިޔާމްގެ އިސްތިއުފާއަށް ގޮވާލައްވައިފި އެވެ.
ޖަމީލް މި ދެބޭފުޅުންގެ އިސްތިއުފާއަށް ގޮވާލައްވާފައި ވަނީ ރޭ ދަންވަރުގެ ވަގުތެއްގައި ސްޕްރީމް ކޯޓަށް ވަޑައިގެންނެވިކަމުގެ ތުހުމަތާއި އެކުގައެވެ.
Minivan Sharuee Nizaameh gai kurevigen vaane kameh noon. Mi dhe beyfulhun ves maqaamun isthufaa dhehvan jehey. https://t.co/CGwArtzbvw
— Mohamed Jameel Ahmed (@MJameelAhmed) July 7, 2017
ޑރ.ޖަމީލު އަހުމަދު ކުރެއްވި ޓްވީޓެއްގައި ވިދާޅުވެފައި ވަނީ އެއީ މިނިވަން ޝަރުއީ ނިޒާމެއްގައި ކޮށްގެންވާނެ ކަމެއް ނޫން ކަމަށެވެ.
ބަންޑާރަ ނައިބް މުހައްމަދު އަނިލް ސުޕްރީމް ކޯޓުގެ މައި ދޮރާށިން ވަންކަމަށާއި ޗީފް އޮފް ޑިފެންސް ފޯސް އަހުމަދު ސިޔާމް މާރުކޭޓާއި ދިމާލަށް ހުންނަ ހައި ކޯޓުން ބޭނުންކުރާ ދޮރާށިން ވަންކަމަށް ބައެއް މީޑިއާތަކުގައި ރިޕޯޓުކޮށްފައި ވެއެވެ.