މިދިޔަ މަހު 12 އަހަރު ފުރުނު އެމްޑީޕީން އެ ޕާޓީގެ އާ ވެބްސައިޓް ލޯންޗްކޮށްފި އެވެ.
ބައެއް ބަދަލުތަކާ އެކު ލޯންޗު ކުރި ވެބްސައިޓްގައި، އެމްޑީޕީގެ ތާރީޚާއި ގޮފިތަކުގެ މައުލޫމާތާއި ޚަބަރާއި ނޫސްބަޔާންތަކުގެ އިތުރުން ހުރިހާ ދާއިރާއަކުން ޕާޓީން ގެންގުޅޭ ސިޔާސަތުތައް ހިމަނާފައިވެ އެވެ.
މީގެ އިތުރުން އިންތިހާބީ އޮފިޝަލުންގެ ގޮތުގައި ހިމެނޭ އެމްޑީޕީގެ ހުރިހާ ކައުންސިލަރުންނާއި ރައްޔިތުންގެ މަޖިލީހުގެ މެމްބަރުންނާއި ގޮފިތަކުގެ އިސްވެރިންގެ އިތުރުން އެ ޕާޓީގެ ގައުމީ މަޖިލީހުގެ މެމްބަރުންގެ މައުލޫމާތު ވެސް އެ ބޭފުޅުންގެ ފޮޓޯއާ އެކު އާ ވެބްސައިޓް ވަނީ ހިމަނައިފަ އެވެ.
ވެބްސައިޓްގެ އެޑްރެހަކީ https://mdp.org.mv އެވެ.
އެމްޑީޕީން ބުނީ ކުރީގެ ވެބްސައިޓާ އަޅާބަލާ އިރު، އާ ވެބްސައިޓް ހުރިހާ ގޮތަކުން ވެސް ފުރިހަމަ ވާނެ ކަމަށެވެ.