ކަނޑު ދަތުރުފަތުރުގެ ދައިރާ އަށް ހާއްސަކޮށްގެން ގައުމީ ޔުނިވަސިޓީގެ ހިތަދޫ ކެމްޕަހުގެ ސެންޓަ ފޮ މެރިޓައިމް ސްޓަޑީޒު ތިން ކޯހަކަށް ފުރުސަތު ހުޅުވާލައިފި އެވެ.
ފުރުސަތު ހުޅުވާލައިފައި ވަނީ ކޯސްޓަލް ނެވިގޭޝަން، ނިޔަމިކަމުގެ ސެޓްފިކެޓް އަދި ފަޅުވެރިންގެ ސެޓްފިކެޓް ކޯހަށެވެ.
މި ތިން ކޯހުގެ ތެރެއިން ކޯސްޓަލް ނެވިގޭޝަން ކޯސް އޮންނާނީ މި މަހުގެ 16 ވަނަ ދުވަހު އެވެ. ބައިވެރިވާން 150ރ. ފީއެއް ދައްކަން ޖެހޭ ކޯސް ނިމޭ އިރު ބައިބެރިންނަށް ކެޓަގަރީގެ އޭގެ ލައިސަންސް ލިބޭނެ އެވެ.
ނިޔަމިކަމުގެ ކޯސް އޮންނާނީ އަންނަ މަހުގެ 29 ގަ އެވެ. މި ކޯހަށް ފީއެއްގެ ގޮތުގައި 875ރ. ދައްކަން ޖެހެ އެވެ. މި ކޯސް ފުރިހަމަ ކުރުމުން ބީ، ސީ އަދި ޑީގެ އުޅަނދު ދުއްވުމުގެ ލައިސަންސް ލިބޭނެ އެވެ.
ފަޅުވެރިންގެ ސެޓްފިކެޓް ކޯސް ބާއްވަން ހަމަޖެހިފައި ވަނީ ސެޕްޓެމްބަރު މަހުގެ 11 ގަ އެވެ. މި ކޯހުގެ ފީއަކީ 450ރ. އެވެ. މި ކޯސް ފުރިހަމަ ކުރާ މީހުންނަށް ކެޓަގަރީ އީގެ އުޅަނދު ދުއްވުމުގެ ލައިސަންސް ލިބޭނެ އެވެ.
ހިތަދޫ ކެމްޕަހުން ބުނީ މި ތިން ކޯހުގައި ބައިވެރިވުމުގެ ފުރުސަތު މިހާރު ހުޅުވާލާފައިވާ އިރު، އިތުރު މައުލޫތު 6885053 އަށް ގުޅައިގެން ލިބޭނެ ކަމަށެވެ.