ސިދާތު މަލްއުތުރާ އާއި ޖެކޮލިން ފެނާންޑޭޒް ލީޑް ރޯލް ކުޅެފައިވާ ފިލްމް "އަ ޖެންޓްލްމަން" ގެ ޓްރެއިލާ ގިނަ އެކްޝަން މަންޒަރުތަކަކާ އެކު މިއަދު ދައްކާލައިފި އެވެ.
މި ފިލްމަކީ "ހެޕީ އެންޑިން" ފަދަ ފިލްމްތައް ޑައިރެކްޓްކޮށްފައިވާ ރާޖް އާއި ޑީކޭ ޑައިރެކްޓްކޮށްފައިވާ އެކްޗަން ރޮމޭންޓިކް ތުރިލާއެކެވެ.
"އަ ޖެންޓްލްމަން" އަކީ ސިދާތު އާއި ޖެކޮލިން ލޯބިވެރިންގެ ގޮތުގައި ފެނިގެން ދާ ފުރަތަމަ ފިލްމެވެ. މި ދެ ތަރިން މީގެ ކުރިން ވެސް އެކުގައި މަސައްކަތް ކުރި އެވެ. އެއީ 2014 ގައި ރިލީޒް ކުރި "ބްރަދާޒް" ގަ އެވެ. އެކަމަކު އެ ފިލްމުގައި ޖެކޮލިންއަކީ ސިދާތުގެ ފަހަރި އެވެ.
އެމެރިކާ އާއި އިންޑިއާގައި ޝޫޓްކޮށްފައިވާ "އަ ޖެންޓްލްމަން" ސިނަމާތަކަށް އަންނާނީ އަންނަ މަހުގެ 25 ގަ އެވެ.
މި ފިލްމްގެ ކާސްޓުންގެ ތެރޭގައި ސުނިލް ޝެޓީ އާއި ދަރްޝަން ކުމާރު ވެސް ހިމެނެ އެވެ.