މީދޫގައި އިމާާރާތް ކުރާ ފަޔަ އެންޑް ރެސްކިއު ސްޓޭޝަންގެ ބިން ސާފްކޮށް އެތަނުގެ މަސައްކަތް އަމަލީ ގޮތުން ފަށަން ތައްޔާރުވެއްޖެ އެވެ.
މި ފަޔާ އަޅަން ސަރުކާރުން ހަވާލްކޮށްފަ އިވަނީ އަމީން ކޮންސްޓްރަކްޝަނާ އެވެ. އެއީ ފެބްރުއަރީ، 16، 2017 ގަ އެވެ.
16 ފެބްރުއަރީ 2017 ވަނަ ދުވަހު ބޭއްވުނު ރަސްމިއްޔާތުގައި މިމަސައްކަތް އަމީން ކޮންސްޓްރަކްޝަންއާއި ހަވާލްކުރުމުގެ އެއްބަސްވުމުގައި ސޮއި ކުރެއްވީ މިނިސްޓަރީ އޮފް ޑިފެންސްގެ ސްޓޭޓް މިނިސްޓަރ މުހައްމަދު ޒުހައިރުއެވެ. އަދި އަމީން ކޮންސްޓްރަކްޝަންގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގް ޑިރެކްޓަރ އަލްފާޟިލް އަބްދުﷲ މުހައްމަދެވެ.
މި ޕްރޮޖެކްޓާ ބެހޭ ގޮތުން ޑިފެންސް މިނިސްޓަރު އާދަމް ޝަރީފު އުމަރު ވިދާޅުވީ މި މަސައްކަތަކީ ވަރަށް ކުރީއްސުރެން ވެސް ރޭވިފައިވާ ޕްރިޖެކްޓެއް ކަމަށާއި ކަނޑައެޅިފައިވާ ގިތަށް ކަންތައްތައް ދާ ނަމަ އަންނަ ޖަނުއަރީ މަހަށް މަސައްކަތް ނިންމައިލެވޭނެ ކަމަށެވެ.
ޑިފެންސް މިނިސްޓްރީން އަދި ބުނީ މީދޫގައި ހަދާ ފަޔާ ސްޓޭޝަންގެ ސަބަބުން ސިފައިންގެ ތެރެއިން ފެންވަރު ރަނގަޅު، ފަޔް ފައިޓިން އަށް މަސައްކަތް ކުރާ މީހުންނަށް އެ މަސައްކަތަށް އެހީތެރިކަން ފޯރުކޮށް ދޭން ބޭނުންވާ ފަރާތްތަކަށް ވެސް ވަރަށް ބޮޑު އެހީތެރިކަމެއް ލިބިގެންދާނެ ކަމަށެވެ.
އަމީން ކޮންސްޓްރަކްޝަނާ ހަވާލުކޮށްގެން ކުރިއަށް ގެންދާ ޕްރޮޖެކްޓަކީ 8.5 މިލިއަން ރުފިޔާގެ ޕްރޮޖެކްޓެކެވެ.