ހިތަދޫ ކުނިކޮށި ސަރަހައްދުގައި ނުރައްކާތެރި އެކްސިޑެންޓެއް ހިނގައިފި އެވެ.
"އައްޑޫ ލައިވް" އަށް މައުލޫމާތު ލިބިފައިވާ ގޮތުގައި އެކްސިޑެންޓްވެފައި ވަނީ ބަހަކާއި ސައިކަލެކެވެ.
މި އެކްސިޑެންޓް ހިނގީ ދުއްވަން އިން މީހާ ފުލުހުންގެ ޗެކްޕޮއިންޓް ފެނިގެން އަނބުރާލާފައި ގަމާއި ދިމާލަށް ދުއްވާފައި ދަނިކޮށް ޝަންގްރިއްވާ ވިލިގިލި ރިސޯޓްގެ ސްޓާފުން އުފުލާ ބަހެއްގައި ޖެހިގެން ކަމަށް މައުލޫމާތު ލިބެ އެވެ.
އެކްސިޑެންޓް ހިނގާފައި ވަނީ މިރޭ 10:20 އެހާކަން ހާއި ރެވެ. މިހާދިސާ އާ ގުޅޭ މައުލޫމާތު ހޯދުމަށް އައްޑޫލައިވް ޓީމް ހިތަދޫ ރީޖަނަލް ހޮސްޕިޓަލްގައި ހަރަކާތްތެރިވަމުންދާއިރު މިހާތަނަށް އެނގިފައިވަނީ ސައިކަލް ދުވައްވަން ހުރީ ސ. ފޭދޫ ޒުމައްރަދުގޭ މުހައްމަދު ޝިފާޒް 22އ ކަމެވެ.
މި ހާދިސާގައި ޝިފާޒްގެ ސައިކަލް ބަހުގެ ދަށަށް ވަދެ އޭނާގެ ބޯ ފަޅައިގެން ގޮސްފައިވާ ކަމަށް މަންޒަރު ދުށް ފަރާތަކުން ބުންޏެވެ.
ހޮސްޕިޓަލުގެ އޮފިޝަލަކު ވިދާޅުވީ ޝިފާޒްގެ ހާލު ވަރަށް ސީރިއަސް ކަމަށާއި މިހާރު އޭނާއަށް ފަރުވާ ދެމުން ދާކަމަށެވެ.