އައްޑޫ ސިޓީ ކައުންސިލުން ރައްޔިތުންނާ ބައްދަލު ކުރުމުގެ ބައްދަލުވުންތަކެއް މި މަހުގެ ތެރޭގައު ބާއްވަން ނިންމައިފި އެވެ.
ކައުންސިލުން ބުނީ ބައްދަލުވުންތައް ކުރިއަށް ދާނީ މި މަހުގެ 20، 23 އަދި 24 ގައި ބާއްވަން ވަނީ ނިންމައިފަ އެވެ.
ހިތަދޫ ރައްޔިތުންނާ ބައްދަލު ކުރުން އޮންނާނީ މި މަހުގެ 20 ވަނަ ދުވަހު އެވެ.
ފޭދޫ، މަރަދޫފޭދޫ އަދި މަރަދޫ ރައްޔިތުންނާ ބައްދަލު ކުރޮން އޮންނާނީ މި މަހުގެ 23 ވަނަ ދުވަހުގެ ރޭ މަރަދޫ ބޮޑަގޭގަ އެވެ.
ހުޅުމީދޫ ރައްޔިތުންނާ ބައްދަލު ކުރުން އޮންނާނީ މި މަހުގެ 24 ވަނަ ދުވަހުގެ ރެ އެވެ.
ކައުންސިލުން ބުނީ މި މިބައްދަލުވުންތަކަކީ ކުރިއަށް އޮތް އަހަރަށް ކައުންސިލް ބަޖެޓްގައި ހިމަނަން ޖެހޭ ކަންކަމާ ގުޅޭ ގޮތުން ރައްޔިތުންގެ ޚިޔާލާއި މަޝްވަރާ ހޯދުމާއި މި އަހަރުގެ ފުރަތަމަ ހަ މަސް ދުވަހުގެ ރިޕޯޓް ހުށަހެޅުމަށް ބާއްވާ ބައްދަލުވުމެއް ކަމަށެވެ.
އެހެންވެ ވީހާ ވެސް ގިނަ ބަޔަކު ބައްދަލުވުންތަކުގައި ބައިވެރިވުމަށް ކައުންސިލުން އެދެ އެވެ.