އައްޑޫ ސިޓީ ކައުންސިލްގެ މުވައްޒަފުންނަށް "އެޑްވާންސްޑް ކޮމްޕިއުޓަ ސްކިލްސް" ގެ ތިން ދުވަހުގެ ތަމްރީން ޕްރޮގްރާމެއް ފަށައިފި އެވެ.
ވިހި މުވައްޒަފަކު ބައިވެރިކޮށްގެން ހިންގާ މި ތަމްރީން ޕްރޮގްރާމް ނަންގަވައި ދެއްވަނީ ކައުންސިލް އިދާރާގެ މީޑިއާ އެންޑް އައިޓީ ޔުނިޓްގައި މަސައްކަތް ކުރައްވާ ތިން މުވައްޒަފެކެވެ.
މޯލްޑިވްސް ނެޝަނަލް ޔުނިވަސިޓީގެ ހިތަދޫ ކެމްޕަހުގައި ކުރިޔަށްދާ ތަމްރީން ޕްރޮގްރާމުގައި މުވައްޒަފުންނަށް ކޮރެލް ޑްރޯ، މައިކްރޮސޮފްޓް ވޯޑް އަދި މައިކްރޮސޮފްޓް ޕަވާޕޮންޓް ސޮފްޓްވެއަތައް ބޭނުން ކުރުމުގެ ހުނަރުތައް ދަސްކޮށް ދެވޭނެ އެވެ.
މިތަމްރީން ޕްރޮގްރާމްގެ އިތުރުން ސިވިލް ސާވިސް ޓްރެއިނިންގް އިންސްޓިޓުއުޓް(ސީއެސްޓީއައި) އާއި ކައުންސިލް ގުޅިގެން "ޑިޕްލޮމާ އިން ޕަބްލިކް އެޑްމިނިސްޓްރޭޝަން އެންޑް މެނޭޖްމެންޓް" ގެ ނަމުގައި އެއް އަހަރު ދުވަހުގެ ޑިޕްލޮމާ ކޯހަކާއި "ސެޓްފިކެޓް 3 އިން އޮފީސް އެޑްމިނިސްޓްރޭޝަން" ގެ ނަމުގައި ހަ މަސް ދުވަހުގެ ކޯހެއް މި އަހަރު ފަށަން ވަނީ ހަމަޖެހިފަ
މި ކޯސްތަކުގެ މާއްދާތައް ނަންގަވައި ދެއްވާނެ ލެކްޗަރާއިން ހޯދަން މިހާރު ވަނީ އިޢުލާން ވެސް ކޮށްފަ އެވެ.
ސީއެސްޓީއައި އާއި ކައުންސިލް ގުޅިގެން ހިންގާ ކޯސްތަކަކީ މި އަހަރު ސޮއި ކުރި ފަހުމުނާމާގެ ދަށުން ކައުންސިލްގެ މުވައްޒަފުންނަށް ބޭނުންވާ ފަންނީ ތަޢުލީމާއި ތަމްރީން ހޯދައި ދިނުމުގެ ގޮތުން ހިންގާ ޕްރޮގްރާމްތަކެކެވެ.