ސަންޖޭ ލީލާ ބަންސާލީގެ ކުރިއަށް އޮތް ފިލްމް "ޕަދްމާވަތީ" ގައި ރަންވީރު ސިންގް ކުޅެން ޖެހޭ ރޯލަށް އޭނާ ތުނބުޅި އާއި މަތިމަސް ދިގުކޮށްލައިގެން އުޅޭތާ މި އަހަރު އަހަރެއްހާ ދުވަސް ވަނީ އެވެ.
އެ ފިލްމްގައި އޭނާ ކުޅޭ އަލައްދީން ހިލްޖީގެ ކެރެކްޓާގެ އުުމުރުން ދުވަސްވީ ބައި ދައްކުވައި ދޭން ޖެހޭ މަންޒަރުތަކުގެ ޝޫޓިން މިހާރު ނިމުމަކަށް އައުމާ އެކު، ރަންވީރަށް ޖެހުނީ ތުނބުޅި އާއި މަތިމަސް ކުރުކޮށް ކޮށާލާށެވެ.
އެއީ އަލައްދީންގެ ޒުވާން އުމުރު ދައްކުވައި ދިނުމަށްޓަކަ އެވެ.
ތުނބުޅި އާއި މަތިމަސް ކޮށާލާ މަންޒަރު ދައްކުވައިދޭ ވީޑިއޯއެއް ވެސް ރަންވީރު ވަނީ އިސްޓަގްރާމްގައި ހިއްސާކޮށްފަ އެވެ.
އަދި އޭނާގެ ދެ ލުކްގެ ފޮޓޯ ވެސް ވަނީ ފޭނުންނާ ހިއްސާކޮށްފަ އެވެ.
އަންނަ ނޮވެމްބަރު މަހުގެ 17 ގައި ރިލީޒް ކުރަން ތާވަލްކޮށްފައިވާ "ޕަދްމަވާތީ" ގައި ރަންވީރު ފެނިގެން ދާނީ ދީޕިކާ ޕަދްކޯނާއި ޝާހިދު ކަޕޫރު އަދި އަދިތި ރާއޯ ހައިދަރީއާ އެކުގަ އެވެ.
މިއީ ކުރީގެ ތާރީހީ ލޯބީގެ ހާދިސާތަކެއް ދައްކުވައިދޭ ފިލްމެކެވެ.