އިކްޓޯރިއަލް ކޮންވެންޝަން ސެންޓަރު (އީސީސީ) 100 އެނދުގެ ޓާޝަރީ ހޮސްޕިޓަލަކަށް ބަދަލު ކުރަން ކުރިއަށް ގެންދާ މަޝްރޫ އަންނަ އަހަރުގެ ޖުލައި މަހުގެ ތެރޭގައި ނިމޭނެ ކަމަށް ހެލްތު މިނިސްޓަރު މުހައްމަދު ނާޒިމް ވިދާޅުވެއްޖެ އެވެ.
އައްޑު އަށް މި ނިމުނު ހަފުތާގައި ކުރެއްވި ދަތުރުފުޅުގައި މިނިސްޓަރު ވަނީ އީސީސީގެ މަސައްކަތް ކުރިއަށްދާ ގޮތް ވެސް ބައްލަވައިފަ އެވެ.
އެތަން ހޮސްޕިޓަލަކަށް ބަދަލު ކުރުމުގެ މަސައްކަތް ކުރަނީ އެލިއާ ކޮންސްޓްރަކްޝަނުންނެވެ. މަޝްރޫއު އެ ކުންފުންޏާ ހަވާލު ކުރީ ނޮވެމްބަރު 14، 2016 ގަ އެވެ.
މިނިސްޓަރު ވިދާޅުވީ އީސީސީ ހޮސްޕިޓަލެއްގެ ގޮތުގައި ތަރައްގީ ކުރަނީ ފެންވަރު ރަނގަޅު ގިނަ ހިދުމަތްތަކެއް އެތަނުން ދެވޭނެ ގޮތަށް ކަމަށެވެ.
އެގޮތުން އެތަނުގައި އެމްއާރްއައި އާއި ސީޓީ ސްކޭންގެ ހިދުމަތާއި އޮޕަރޭޝަން ތިއޭޓަރުތަކާއި މޯޗަރީއަކާއި ޕްރައިވެޓް ކޮޓަރިތަކެއް ވެސް ހުންނާނެ ކަމަށް މިނިސްޓަރޔ ވިދާޅުވި އެވެ.
ނާޒިމް އަދި ވިދާޅުވި ގޮތުގައި މި މަޝްރޫއުގެ ސަބަބުން އަގިނަ ވަޒީފާތަކެއް އުފެދި، އިގުތިސާދީ ހަރަކާތްތައް އައްޑޫގައި އިތުރު ވާނެ އެވެ.