މިއަދު މެންދުުރު ފަހު ދޭއްހައި ކްރިމިނަލް ކޯޓްގައި އޮތް ޝަރީއަތަށް ހާޒިރުވާން އަންގާފައި ވަނިކޮށް ޖުމްހޫރީ ޕާޓީގެ ލީީޑަރު ގާސިމް އިބްރާހީމް ކުއްލި ގޮތަކަށް ހޮސްޕިޓަލްގައި އެޑްމިޓްކޮށްފި އެވެ.
ގާސިމް މިއަދު އެޑްމިޓް ކުރީ މެޑިކާ ކްލިނިކްގައި އިންނަވާ ހިތުގެ ޑޮކްޓަރަކަށް ދެއްކުމުން ކަމަށް އެނގިފައިވެ އެވެ.
އެ މަނިކުފާނު އެޑްމިޓްކޮށްފައި މި ވަނީ ދައުލަތުން އުފުލާފައިވާ ތިން ދައުވާގެ ތެރެއިން ގާނޫނުލްއުގޫބާތުގެ 510 ވަނަ މާއްދާގެ ދަށުން ރިޝްވަތު ދިނުމަށް ހުށަހެޅުމުގެ ކުށުގެ ދައުވާގެ އަޑު އެހުމެއް މިއަދު މެންދުރުފަހު 2:00 ޖަ ހާއިރު ކްރިމިނަލް ކޯޓުގައި ފެށުމަށް ތާވަލަކޮށްފައި ވަނިކޮށެެވެ.
ގާސިމް އެޑްމިޓްކޮށްފައިވީ ނަމަވެސް މިއަދުގެ ޝަރީއަތް ކެންސަލް ކުރިކަން އަދި ވަނީ ސާފެއް ނުވެ އެވެ.